“Реал” – “Барселона”: Собиқ “Барса”чи жамоаси имкониятларини юқори баҳолади

Айни пайтда Қатарнинг “Ал-Садд” клубида фаолият олиб бораётган, “Барселона” собиқ ярим ҳимоячиси Хави 23 декабрь куни бўлиб ўтадиган “Реал” ҳамда “Барселона” жамоалари ўртасидаги “эль-класико” учрашуви олдидан ҳар икки жамоа имкониятларига баҳо берди.
 
“Барселона” Вальверде қўл остида ажойиб жамоавий ўйин кўрсатмоқда, клубдаги янги номлар ҳам секин-аста ўзини кўрсата бошлашди. Умуман олганда жамоа яхши кайфиятда.
 
Ҳозирги ҳолатни инобатга олсак, каталонияликлар класикода фаворит ҳисобланишади.
 
Мағлубият эса амалда, “Реал”ни чемпионлик пойгасидан чиқариб юборади. Уларни яхши ўйнаяпти деб бўлмайди.
 
Аммо, клублар ўртасидаги жаҳон чемпионати турнирида қўлга киритилган ғалаба, мадридликлардаги иштиёқ ва ўзларига ишончни кўтарган бўлиши ҳам мумкин.
 
Вальверде жамоаси эса чиройли, ҳужумкор ўйин кўрсатмоқда ҳамда тўпнинг назоратини қўлга олиб, тўпсиз пайтда рақибга прессинг уюштиришмоқда.
 
Кўрамиз, “Реал” тўпсиз қандай ҳаракат қиларкин, аммо “Барселона” бу учрашувда майдонда тўлиқ ҳукмронлик қилиши керак” — дейди Хави.
 
Эслатиб ўтамиз, “Реал” – “Барселона” учрашуви 23 декабрь куни Тошкент вақти билан соат 17:00 да бошланади.