“Микрокредитбанк”га янги раис тайинланди

“Ўзсаноатқурилишбанк” акциядорлик-тижорат банки бошқарув раиси ўринбосари лавозимида 2015 йилдан буён фаолият юритиб келаётган Отабек Алмардонов 4 июндан эътиборан “Микрокредитбанк” акциядорлик-тижорат банки бошқарувининг раиси этиб тайинланди.
 
Бунгача “Микрокредитбанк” акциядорлик-тижорат банкини аввалги раиснинг биринчи ўринбосари Шуҳрат Расулов раис вазифасини вақтинча бажарувчи сифатида ишлаб келаётган эди.
 
Маълумот ўрнида, Отабек Алмардонов 1978 йил Қашқадарё вилояти Қамаши туманида таваллуд топган. 1999 йилда Қарши давлат университетини, 2007 йилда Ўзбекистон Республикаси Президенти ҳузуридаги Давлат ва жамият қурилиш академиясини тамомлаган.
 
1999-2000 йй. “Ўзсаноатқурилишбанк” Тошкент шаҳар бўлими Девонхона 1-тоифали мутахассиси;
 
2000-2002 йй. “Ўзсаноатқурилишбанк” Тошкент шаҳар минтақавий филиали Амалиёт бўлими мутахассис, 2-тоифали мутахассис, бош мутахассис;
 
2002-2005 йй. “Ўзсаноатқурилишбанк” Тошкент шаҳар минтақавий филиали Корпоратив мижозлар билан ишлаш бўлими бош мутахассис, бўлим бошлиғи ўринбосари;
 
2005-2005 йй. “Ўзсаноатқурилишбанк” Тошкент шаҳар минтақавий филиали Амалиёт бўлими бошлиғи ўринбосари-Корпоратив мижозлар билан ишлаш бўлими бошлиғи;
 
2005-2011 йй. “Ўзсаноатқурилишбанк” Миробод филиали бошқарувчи;
 
2011-2013 йй. “Ўзсаноатқурилишбанк” ОАТБ Сергели филиали Бошқарувчи;
 
2013-2015 йй. “Ўзсаноатқурилишбанк” АТБ Тошкент шаҳар минтақавий филиали Бошликнинг биринчи ўринбосари лавозимларида ишлаган.