“Барселона” бугун уч футболчи ёрдамидан фойдалана олмайди

Каталониянинг “Барселона” клуби бош мураббийи Эрнесто Вальверде бугун, 10 март куни “Малага” жамоасига қарши ўйинда майдонга тушиши мумкин бўлган 18 нафар футболчи рўйхатини тақдим этди.
 
Каталонияликлар сафида бугунги ўйиндан олдин бир нечта йўқотишлар мавжуд бўлиб, Иньеста ва Нелсон Семедулар жароҳат сабаб майдонга туша олишмайди. Шунингдек, Денис Суарес ҳам жамоасига 2-3 ҳафта ёрдам бера олмайди.
 
Демак, “Барселона” “Малага”га қарши ўйинда қуйидаги футболчилар ёрдамидан фойдаланиши мумкин.
 
Дарвозабонлар: Марк-Андре тер Штеген, Яспер Силлессен.
 
Ҳимоячилар: Томас Вермален, Жерар Пике, Люка Динь, Самюэль Юмтити, Жорди Альба, Серхи Роберто, Алейш Видаль.
 
Ярим ҳимоячилар: Иван Ракитич, Серхио Бускетс, Паулиньо, Андре Гомеш.
 
Ҳужумчилар: Филиппе Коутиньо, Луис Суарес, Лионель Месси, Усман Дембеле, Пако Алькасер.
 

 
Маълумот учун, “Малага” – “Барселона” учрашуви бугун 11 март кунига ўтар кечаси Тошкент вақти билан соат 00:45 да старт олади.
 
Эслатиб ўтамиз, бироз аввал Мадриднинг “Реал” клуби ҳам “Эйбар”га қарши кенгайтирилган таркибни эълон қилгани ҳақида хабар бергандик.