Унинг тиланчилар ҳақида ёзиб қолдирган мулоҳазалари интернет оламида муҳокамаларга сабаб бўляпти.
Ўзбекистонда хизмат кўрсатган артист Райҳон Ғаниева ижтимоий тармоқларда энг фаол санъаткорлардан бири ҳисобланади. Бугунги кунга келиб уни инстаграмда 326 мингдан зиёд фойдаланувчи кузатиб келмоқда. Ғаниеванинг бугун инстаграмга жойлаган сурати ва унга қолдирган изоҳи кўпчиликнинг ҳайратига сабаб бўлди.
Метро бекатидан чиқиш йўлаги ва кўча-кўйда қўлида гўдаги билан тиланчилик қилиб ўтирган аёлларнинг суратини жойлаган хонанда унга қуйидагича изоҳ қолдирди. “Тиланчилик – бизнес?! Мурғак бола – бизнес қуроли! Манфур бизнесга йўл қўйманг! Уларга пул берманг! Кўчада болали тиланчи аёлларга дуч келсак, кўпинча уларнинг болалари ухлаб ётганига гувоҳ бўламиз. Ҳеч ўйлаб кўрганмисиз, нега уларнинг қўйнидаги мурғак болалар доим ухлаб ётади? Ваҳоланки, гўдаклар доимо ухламайди, аксарияти эса тиниб-тинчимас, шўх бўлади. Бола ҳархашаси тиланчилик жараёнига халақит бериши мумкин. Бугун дунё миқиёсида тиланчилик “қора” бизнес сифатида қулоч отаётган пайтда, тиланчилар қўлидаги болалар ана шу бизнеснинг бир қисмига айланмаяптими? Нега тиланчилар қўлидаги болалар доим ухлаб ётади?”
Хонанданинг юқоридаги фикрлари инстаграмда муҳокама майдонининг асосий мавзусига айланди. Кимдир Райҳоннинг мулоҳазаларида жон борлигини айтса, яна бошқалар хонандани бечораларга кўмак беришдан қайтаришда айбламоқда. “Бу уларнинг болалари эмас. Бу болалар ўлиб кетаверади, улар эса янгисини излаб топишади”, дея қўшимча қилди куюнчаклик билан Райҳон. Хонанданинг бу мавзуга нисбатан кескин муносабат билдирганини кўриб, она бўлгач дунёқараши анча ўзгарганини сезиш қийин эмас.
Метро бекатидан чиқиш йўлаги ва кўча-кўйда қўлида гўдаги билан тиланчилик қилиб ўтирган аёлларнинг суратини жойлаган хонанда унга қуйидагича изоҳ қолдирди. “Тиланчилик – бизнес?! Мурғак бола – бизнес қуроли! Манфур бизнесга йўл қўйманг! Уларга пул берманг! Кўчада болали тиланчи аёлларга дуч келсак, кўпинча уларнинг болалари ухлаб ётганига гувоҳ бўламиз. Ҳеч ўйлаб кўрганмисиз, нега уларнинг қўйнидаги мурғак болалар доим ухлаб ётади? Ваҳоланки, гўдаклар доимо ухламайди, аксарияти эса тиниб-тинчимас, шўх бўлади. Бола ҳархашаси тиланчилик жараёнига халақит бериши мумкин. Бугун дунё миқиёсида тиланчилик “қора” бизнес сифатида қулоч отаётган пайтда, тиланчилар қўлидаги болалар ана шу бизнеснинг бир қисмига айланмаяптими? Нега тиланчилар қўлидаги болалар доим ухлаб ётади?”
Хонанданинг юқоридаги фикрлари инстаграмда муҳокама майдонининг асосий мавзусига айланди. Кимдир Райҳоннинг мулоҳазаларида жон борлигини айтса, яна бошқалар хонандани бечораларга кўмак беришдан қайтаришда айбламоқда. “Бу уларнинг болалари эмас. Бу болалар ўлиб кетаверади, улар эса янгисини излаб топишади”, дея қўшимча қилди куюнчаклик билан Райҳон. Хонанданинг бу мавзуга нисбатан кескин муносабат билдирганини кўриб, она бўлгач дунёқараши анча ўзгарганини сезиш қийин эмас.
Қамариддин Шайхов
