Мурод Хонтўраевга нисбатан Ўзбекистон Республикаси Жиноят кодексининг 277-моддаси тартибида жиноий иш қўзғатилган.
Тошкент шаҳар ИИББ Ахборот мултимедиа маркази ўзбекистонлик машҳур аралаш қоидалар жангчиси Мурод Хонтўраев қўлга олинганлиги ҳақида хабар берди. Маълумотга кўра, аралаш қоидалар бўйича жаҳон чемпиони Мурод Хонтўраев ва бир қатор шахслар жорий йилнинг 20 июнь кунидан 21 июнь кунига ўтар кечаси Юнусобод туманида жойлашган тунги клублардан бирида жамоат жойида юриш-туриш қоидаларини бузганлик ва тартибсизлик келтириб чиқаргани учун қўлга олинган. Мурод Хонтўраевга нисбатан Ўзбекистон Республикаси Жиноят кодексининг 277-моддаси (безорилик) тартибида жиноят иши қўзғатилган бўлиб, тергов ҳаракатлари олиб борилмоқда.
