Ҳиндистонда сафарга отланган 300 йўловчи қайиқ ҳалоқатга учради

   Ҳиндистоннинг Ассам штати Калоха дарёсида ҳаддан зиёд йўловчи ортилган қайиқ фалокатга учради, дея хабар берди "Hindustan Times" нашри.

   300 га яқин одам ортган ушбу қайиқ техник носозлик сабаб кўприк устунига бориб урилган. Натижада қайиқ ағдарилиб 50 дан ортиқ киши бедарак йўқолган. Гувахата штатидан борган қутқарувчилар ҳалок бўлганлар жасадларини қидиришмоқда.

   Одатда бундай денгиз кемалари 100 киши учун мўлжалланган. Шунга қарамасдан ноқонуний ҳаракат қилган қайиқ эгалари жазоланиши тахмин қилинмоқда.