Яқинларидан ажралган болалар шак-шубҳасиз террористик гуруҳларнинг нишонига айланади.
Сурияда беш йилдан буён давом этаётган уруш бир неча минг кишининг ҳаётдан эрта кўз юмишига, миллионлаб одамларнинг бошпанасиз қолиб, ўзга юртларга бош олиб кетишига ва бегуноҳ болаларнинг кўзида ёш билан ота-онасиз қолишига сабаб бўлди. Маълумотларга қараганда, ўтган беш йил давомида қарийб 600 минг суриялик бола ота-онасидан ва яқинларидан ажралган.
Боқувчиларини йўқотган болаларнинг кўпчилиги Сурия ҳудудида яшайди, маълум бир қисми суриялик муҳожирларга қўшилиб, Европа давлатларига йўл олган. Шулардан тахминан, 50 минг бола Сурияга чегарадош бўлган Туркияда яшамоқда. Энг ачинарли томони шундаки, Сурияда қолган, ҳеч кими йўқ болалар террористлар нишонига айланиши тайин.
Рақамлар шуни кўрсатмоқдаки, Суриядаги нотинч вазият туфайли жами етти миллион одам ўзининг муқим турар жойидан ажралган ва тўрт миллионга яқин суриялик эса ўзга юртларга тинч ҳаётни излаб кетган. Шулардан, деярли уч миллион суриялик муҳожир Туркия ҳудудида қўним топган.
Суриянинг Инсон ҳуқуқлари бўйича ҳамжамиятининг маълумотларига кўра, жорий йилнинг март ойидан буён Сурия ҳукумати ва мухолифатнинг бир бирига ҳужуми натижасида 14 629 нафар бола ҳалок бўлган. Уларнинг ҳам яшашга ва келажакда ўзлари орзу қилган касб эгаси бўлиб, бахтли ҳаёт кечиришга ҳақлари бор эди.
Суриядаги сиёсий инқирознинг ечими топилиб, тинчлик ўрнатилган тақдирда ҳам, қонли уруш қолдирган ўчмас доғлар ҳали анчагача инсонлар қалбида сақланиб қолади. Ҳар қандай халқнинг эртанги куни унинг фарзандлари қўлида. Бу фарзандларни эртага халқ тақдирини ўз зиммасига олишига тайёрлаш бугундан бошланади. Зеро, ҳар қандай эзгу мақсадларни амалга ошириш учун тинчлик деб аталмиш эзгу неъмат зарурдир.
Боқувчиларини йўқотган болаларнинг кўпчилиги Сурия ҳудудида яшайди, маълум бир қисми суриялик муҳожирларга қўшилиб, Европа давлатларига йўл олган. Шулардан тахминан, 50 минг бола Сурияга чегарадош бўлган Туркияда яшамоқда. Энг ачинарли томони шундаки, Сурияда қолган, ҳеч кими йўқ болалар террористлар нишонига айланиши тайин.
Рақамлар шуни кўрсатмоқдаки, Суриядаги нотинч вазият туфайли жами етти миллион одам ўзининг муқим турар жойидан ажралган ва тўрт миллионга яқин суриялик эса ўзга юртларга тинч ҳаётни излаб кетган. Шулардан, деярли уч миллион суриялик муҳожир Туркия ҳудудида қўним топган.
Суриянинг Инсон ҳуқуқлари бўйича ҳамжамиятининг маълумотларига кўра, жорий йилнинг март ойидан буён Сурия ҳукумати ва мухолифатнинг бир бирига ҳужуми натижасида 14 629 нафар бола ҳалок бўлган. Уларнинг ҳам яшашга ва келажакда ўзлари орзу қилган касб эгаси бўлиб, бахтли ҳаёт кечиришга ҳақлари бор эди.
Суриядаги сиёсий инқирознинг ечими топилиб, тинчлик ўрнатилган тақдирда ҳам, қонли уруш қолдирган ўчмас доғлар ҳали анчагача инсонлар қалбида сақланиб қолади. Ҳар қандай халқнинг эртанги куни унинг фарзандлари қўлида. Бу фарзандларни эртага халқ тақдирини ўз зиммасига олишига тайёрлаш бугундан бошланади. Зеро, ҳар қандай эзгу мақсадларни амалга ошириш учун тинчлик деб аталмиш эзгу неъмат зарурдир.
Руслан Сулаймонов
