Қозоғистонда номаълум мавжудот қолдиқлари топилди

Қозоғистон Республикаси Олмаота вилояти Саркан районидаги Бакалы қишлоғидаги уйлардан бирида номаълум мавжудотнинг скелети топилди, деб хабар бермоқда Kazinform.
 
Қишлоқ аҳлининг фикрига кўра, топилма қадимий динозаврни эслатади.


 
“Менинг ҳамқишлоғим уйини таъмирлаётиб скелетни топиб олди. У барчада катта қизиқиш уйғотди. 50 киши уни кўриш ва суратга олиш учун йиғилган. Ҳозирча қўшним уни нима қилишни билмаяпти. Балки олимлар у билан қизиқиб қолар”, деди Бакалы қишлоғи фуқароси Улан Ерланулы.
 
Ушбу скелетнинг ижтимоий тармоқларга жойлаштирилган сурати фойдаланувчилар орасида кенг муҳокамага сабаб бўлмоқда.