23 ёшли футболчилардан ташкил топган Ўзбекистон терма жамоаси Осиё чемпионатида иштирок этади.
Бугун, 24 октябрь куни Хитойнинг Чанчжоу шаҳридаги “Trader Fudu” меҳмонхонасида футбол бўйича U-23 Осиё чемпионати–2018 гуруҳ босқичига қуръа ташлаш маросими бўлиб ўтди.
Қитъа биринчилигига 16 та жамоа йўлланма олган эди. Улар рейтингига мос равишда қуйидаги саватчаларга ажратилганди.
Қитъа биринчилигига 16 та жамоа йўлланма олган эди. Улар рейтингига мос равишда қуйидаги саватчаларга ажратилганди.
- 1-саватча: Хитой (мезбон), Япония, Жанубий Корея, Ироқ.
- 2-саватча: Қатар, Иордания, КХДР, Австралия.
- 3-саватча: Ўзбекистон, Сурия, Саудия Арабистони, Таиланд.
- 4-саватча: Вьетнам, Уммон, Фаластин, Малайзия.
Бўлиб ўтган қуръа натижасига кўра, Ўзбекистон U-23 термаси “А” гуруҳидан жой олди.
Равшан Ҳайдаров шогирдлари гуруҳ босқичида Хитой, Қатар ва Уммон термалари билан куч синашади.
Гуруҳлар қуйидаги таркибга эга бўлди:
“А” гуруҳи: Хитой, Қатар, Ўзбекистон, Уммон.
“B” гуруҳи: Япония, КХДР, Таиланд, Фаластин.
“C” гуруҳи: Ироқ, Иордания, Саудия Арабистони, Малайзия.
“D” гуруҳи: Жанубий Корея, Австралия, Сурия, Вьетнам.
Маълумот учун, U-23 Осиё чемпионати 2018 йилнинг 9–27 январь кунлари Хитойда бўлиб ўтади. Равшан Ҳайдаров бош мураббийлигидаги Ўзбекистон U-23 терма жамоаси БААда бўлиб ўтган саралаш босқичи “D” гуруҳида 1-ўринни эгаллаган ҳолда Хитойдаги Осиё чемпионати–2018 мусобақасига йўлланмани қўлга киритганди.
Шунингдек, бўлажак мусобақага сифатли тайёрланиш мақсадида 16–17 октябрь кунлари Тошкент шаҳрида ўқув-машғулотлар йиғини ташкил этилиб, унда Равшан Ҳайдаров икки кун давомида жамоага номзод футболчилар имконияти билан танишиб чиққани ҳақида хабар бергандик.
Акмалхон Эшонхонов
