Муроджон Аҳмадалиев Миллий олимпия қўмитасига ташриф буюрди. Фурсатдан фойдаланиб боксчи билан суҳбат уюштирдик.
Аввал хабар бериб ўтганимиздек, 1 май куни бокс бўйича Рио-2016 Олимпия ўйинлари ва жаҳон чемпионати совриндори, Осиё чемпиони, ҳозирда эса фаолиятини профессионал боксда давом эттираётган ҳамюртимиз Муроджон Аҳмадалиев Миллий олимпия қўмитасига ташриф буюриб, Умид Аҳмаджонов қабулида бўлди.
Фурсатдан фойдаланиб боксчи билан кичик суҳбат уюштирдик.
– Муроджон, ҳаваскор боксчилар ўртасида қандай натижаларга эришганингизни яхши биламиз. Риода ўтказган жангларингиз, ғалабаларни нокаут эвазига қўлга киритишингиз ҳали ҳам ёдимизда. Кейинчалик, ушбу муваффақиятли юриш Осиё чемпионатида ҳам давом этди. Умуман олганда профессионал боксга ўтиш истаги қаердан пайдо бўлди? Жамоадошларингизга ҳавас қилиб шу қарорга келдингизми?
– Тўғри айтдингиз. Орамизда Фазлиддин ака биринчилардан бўлиб профессионал боксга ўтди. Мен ҳам ҳаваскор боксчи сифатида Олимпия ўйинлари, Осиё ва жаҳон чемпионатларида иштирок этдим. Шундан сўнг ўз олдимга профессионал боксда ҳам муваффақиятларга эришиб, Ўзбекистонимизнинг байроғини янада юқорироққа кўтариш мақсадини қўйдим. Ўзбек ўғлонлари нималарга қодир эканликларини бутун дунё билиши шарт. Биз қаттиқ меҳнат қиляпмиз. Юртбошимиз спортчилар учун барча шарт-шароитларни яратиб бермоқдалар. Спорт коллежлари, сув ҳавзалари замонавий ҳолатга келтирилган. Бундай иншоотларнинг қурилиши бутун мамлакатимиз бўйлаб давом этмоқда. Албатта буларнинг бари биз ёшлар учун. Ўйлайманки, бу бошланиши. Насиб қилса, кейинги Олимпия ўйинларида янада яхши натижалар қайд этилади. Риодаги натижалар тасодиф эмаслигини эса Осиё чемпионатида 9 та олтин медаль билан исботлаб қўйдик.
– Профессионал рингдаги дастлабки жанглардан кўнглингиз тўлдими? Сиз учун янги йўналишдаги шароитлар қониқтиряптими?
– Албатта, ҳаваскор боксдан профессионал бокснинг фарқи катта. Профессионал бокс нисбатан қийинроқ. У ерда жанглар 3 ёки 4 раунд давом этмайди, 6 раунддан бошланади. Биз нима учун у ерга ўтдик? Профессионал боксда ҳам ўзбек йигитлари бўлиши шарт. Худо хоҳласа, Фазлиддин Ғойибназаров, Шаҳрам Ғиёсов, Рустам Тўлагановлар билан бирга профессионал рингда катта натижаларга эришамиз.
– Миллий Олимпия қўмитасида Умид Аҳмаджонов қабулида бўлдингиз. Учрашувдан қандай таассурот олдингиз?
– Ростини айтсам, Умид акани бунчалик самимий ва оқкўнгил деб ўйламагандим. Спортчиларни ҳар томонлама қўллаб-қувватлаши, ҳам моддий, ҳам маънавий томондан рағбатлантириб боришга интилаётгани албатта, ўз самарасини беради. Қолаверса, шароитлар ҳам шунга яраша яратилмоқда. Дўстим Шаҳрам Ғиёсовни 2020 йили Токиода бўлиб ўтадиган Олимпия ўйинларида Ўзбекистон терма жамоаси таркибида кўриш нияти борлигини изҳор қилганда ҳаяжонланиб кетдим. Насиб қилса, албатта Токио Олимпиадасида иштирок этиб, ўзбек халқига ва муҳтарам Президентимизга Олимпия ўйинларининг олтин медалини совға қилишга аҳд қилдим. Очиғи, Умид Аҳмаджонов билан учрашувдан жуда хурсанд бўлдим. Улар ҳар қандай спортчининг кўнглига йўл топа оладиган кучли руҳшунос эканликлари кўриниб турибди.
– МОҚ Президенти Шаҳрамга Олимпия ўйинларида иштирок этишни таклиф қилди. У ҳам таклифга бажонидил рози бўлди. Чунки, промоутерлик компаниясида имзоланган шартномада ана шундай банд киритилган экан. Сизнинг шартномангиз қандай? Бу борада имконият борми?
– Шаҳрам ва мен битта промоутерлик компанияси мижозлари ҳисобланади. Иккаламизнинг шартномамиз бир ҳил бандлардан иборат. Шартномага ушбу бандни киритганмиз. Насиб қилса, Олимпиадага борамиз ва жонажон диёримиз довруғини дунёга танитиш йўлида бор имкониятни ишга соламиз.
- Демак, Олимпия ўйинларида энди бронзадан юқори медаллар учун ҳаракат ҳам бўлади. Бу борада профессионал рингда орттирилаётган тажриба қўл келади деб ҳисоблайсизми?
– Албатта. Чунки, профессионал ринг тажрибаси жуда муҳим. Олимпия ўйинларига дунёнинг энг сара ҳаваскор боксчилари ташриф буюришади. Шахсан биз учун профессионал рингда орттирилган тажриба қўл келиши аниқ. Биласизми, профессионал боксда спортчининг жисмоний ва функционал ҳолати, чидамлилик даражаси сезиларли равишда юксалади. Бу жиҳатлар эса ҳаваскор боксда беқиёс аҳамиятга эга. Яна бир муҳим жиҳати, АҚШда биз кучли спарринг рақибларга қарши жанглар ўтказиб, маҳоратимизни тоблаб борамиз. Бу эса бизга Токиодаги Олимпия ўйинларида асқотади.
– Муроджон, фурсатдан фойдаланиб, ўзбекистонлик бокс мухлисларига қандай тилаклар билдирасиз?
– Спорт билан шуғулланинг, бизга ўхшаган, биздан ҳам зўр спортчи бўлинг. Президентимиз томонидан эътибор жуда катта. Бу барчаси ёшларимиз, спортчиларимиз учун. Устозларнинг маслаҳатига қулоқ тутинг. Хеч қачон кам бўлмайсиз. Ўйлайманки, шунда биздан ҳам зўр натижаларни қўлга кирита оласиз.
– Раҳмат мазмунли суҳбат учун. Океан ортида ўтадиган жангларда сизга омадлар тилаймиз. Токиодаги ўйинларга қадар ҳали вақт бор. Ўйлайманки, унгача маҳоратингизни янада тоблаб борасиз ва Олимпия ўйинларидаги олтин медаль орқали бизни янада хурсанд қиласиз.
Фурсатдан фойдаланиб боксчи билан кичик суҳбат уюштирдик.
– Муроджон, ҳаваскор боксчилар ўртасида қандай натижаларга эришганингизни яхши биламиз. Риода ўтказган жангларингиз, ғалабаларни нокаут эвазига қўлга киритишингиз ҳали ҳам ёдимизда. Кейинчалик, ушбу муваффақиятли юриш Осиё чемпионатида ҳам давом этди. Умуман олганда профессионал боксга ўтиш истаги қаердан пайдо бўлди? Жамоадошларингизга ҳавас қилиб шу қарорга келдингизми?
– Тўғри айтдингиз. Орамизда Фазлиддин ака биринчилардан бўлиб профессионал боксга ўтди. Мен ҳам ҳаваскор боксчи сифатида Олимпия ўйинлари, Осиё ва жаҳон чемпионатларида иштирок этдим. Шундан сўнг ўз олдимга профессионал боксда ҳам муваффақиятларга эришиб, Ўзбекистонимизнинг байроғини янада юқорироққа кўтариш мақсадини қўйдим. Ўзбек ўғлонлари нималарга қодир эканликларини бутун дунё билиши шарт. Биз қаттиқ меҳнат қиляпмиз. Юртбошимиз спортчилар учун барча шарт-шароитларни яратиб бермоқдалар. Спорт коллежлари, сув ҳавзалари замонавий ҳолатга келтирилган. Бундай иншоотларнинг қурилиши бутун мамлакатимиз бўйлаб давом этмоқда. Албатта буларнинг бари биз ёшлар учун. Ўйлайманки, бу бошланиши. Насиб қилса, кейинги Олимпия ўйинларида янада яхши натижалар қайд этилади. Риодаги натижалар тасодиф эмаслигини эса Осиё чемпионатида 9 та олтин медаль билан исботлаб қўйдик.
– Профессионал рингдаги дастлабки жанглардан кўнглингиз тўлдими? Сиз учун янги йўналишдаги шароитлар қониқтиряптими?
– Албатта, ҳаваскор боксдан профессионал бокснинг фарқи катта. Профессионал бокс нисбатан қийинроқ. У ерда жанглар 3 ёки 4 раунд давом этмайди, 6 раунддан бошланади. Биз нима учун у ерга ўтдик? Профессионал боксда ҳам ўзбек йигитлари бўлиши шарт. Худо хоҳласа, Фазлиддин Ғойибназаров, Шаҳрам Ғиёсов, Рустам Тўлагановлар билан бирга профессионал рингда катта натижаларга эришамиз.
– Миллий Олимпия қўмитасида Умид Аҳмаджонов қабулида бўлдингиз. Учрашувдан қандай таассурот олдингиз?
– Ростини айтсам, Умид акани бунчалик самимий ва оқкўнгил деб ўйламагандим. Спортчиларни ҳар томонлама қўллаб-қувватлаши, ҳам моддий, ҳам маънавий томондан рағбатлантириб боришга интилаётгани албатта, ўз самарасини беради. Қолаверса, шароитлар ҳам шунга яраша яратилмоқда. Дўстим Шаҳрам Ғиёсовни 2020 йили Токиода бўлиб ўтадиган Олимпия ўйинларида Ўзбекистон терма жамоаси таркибида кўриш нияти борлигини изҳор қилганда ҳаяжонланиб кетдим. Насиб қилса, албатта Токио Олимпиадасида иштирок этиб, ўзбек халқига ва муҳтарам Президентимизга Олимпия ўйинларининг олтин медалини совға қилишга аҳд қилдим. Очиғи, Умид Аҳмаджонов билан учрашувдан жуда хурсанд бўлдим. Улар ҳар қандай спортчининг кўнглига йўл топа оладиган кучли руҳшунос эканликлари кўриниб турибди.
– МОҚ Президенти Шаҳрамга Олимпия ўйинларида иштирок этишни таклиф қилди. У ҳам таклифга бажонидил рози бўлди. Чунки, промоутерлик компаниясида имзоланган шартномада ана шундай банд киритилган экан. Сизнинг шартномангиз қандай? Бу борада имконият борми?
– Шаҳрам ва мен битта промоутерлик компанияси мижозлари ҳисобланади. Иккаламизнинг шартномамиз бир ҳил бандлардан иборат. Шартномага ушбу бандни киритганмиз. Насиб қилса, Олимпиадага борамиз ва жонажон диёримиз довруғини дунёга танитиш йўлида бор имкониятни ишга соламиз.
- Демак, Олимпия ўйинларида энди бронзадан юқори медаллар учун ҳаракат ҳам бўлади. Бу борада профессионал рингда орттирилаётган тажриба қўл келади деб ҳисоблайсизми?
– Албатта. Чунки, профессионал ринг тажрибаси жуда муҳим. Олимпия ўйинларига дунёнинг энг сара ҳаваскор боксчилари ташриф буюришади. Шахсан биз учун профессионал рингда орттирилган тажриба қўл келиши аниқ. Биласизми, профессионал боксда спортчининг жисмоний ва функционал ҳолати, чидамлилик даражаси сезиларли равишда юксалади. Бу жиҳатлар эса ҳаваскор боксда беқиёс аҳамиятга эга. Яна бир муҳим жиҳати, АҚШда биз кучли спарринг рақибларга қарши жанглар ўтказиб, маҳоратимизни тоблаб борамиз. Бу эса бизга Токиодаги Олимпия ўйинларида асқотади.
– Муроджон, фурсатдан фойдаланиб, ўзбекистонлик бокс мухлисларига қандай тилаклар билдирасиз?
– Спорт билан шуғулланинг, бизга ўхшаган, биздан ҳам зўр спортчи бўлинг. Президентимиз томонидан эътибор жуда катта. Бу барчаси ёшларимиз, спортчиларимиз учун. Устозларнинг маслаҳатига қулоқ тутинг. Хеч қачон кам бўлмайсиз. Ўйлайманки, шунда биздан ҳам зўр натижаларни қўлга кирита оласиз.
– Раҳмат мазмунли суҳбат учун. Океан ортида ўтадиган жангларда сизга омадлар тилаймиз. Токиодаги ўйинларга қадар ҳали вақт бор. Ўйлайманки, унгача маҳоратингизни янада тоблаб борасиз ва Олимпия ўйинларидаги олтин медаль орқали бизни янада хурсанд қиласиз.
Акмалхон Эшонхонов
