ИШИД террористик ташкилоти 2014 йилнинг июлидан буён Ироқ ва Сурияда уруш олиб бормоқда.
Ўтган икки йил давомида Ироқ ва Сурия давлатлари ҳудудида ИШИД террористик ташкилотига қарши уруш олиб бориш натижасида деярли 45 минг жангари ўлдирилди. Бу ҳақда АҚШнинг Сурия ва Ироқдаги ҳарбий операциялари қўмондони, генерал-лейтенант Шон Макфарланд маълум қилди, дея “Deutsche Welle” ёзмоқда
Макфарланднинг сўзларига кўра, фронтда жангариларнинг сони камаймоқда ва ташкилот сафига камроқ хорижлик тарафдорлар келиб қўшиляпти.
АҚШ бошчилигида халқаро аксилтеррор коалициянинг ИШИДга қарши уруш бошлаганидан буён Сурия ва Ироқ ҳудудига 20 мингта бомба ташланган. Мазкур коалиция 2014 йилнинг августидан бери жангариларга қарши курашиб келмоқда.
Шу ўринда, сўнгги икки йил ичида Сурияда олиб борилган ҳарбий ҳаракатлар натижасида 38 655 нафар тинч аҳоли ҳалок бўлган. Ироқда эса мазкур вақт давомида ИШИД жангарилари томонидан 19 мингга яқин тинч аҳоли вакиллари ўлдирилган. Бундан ташқари, икки мамлакат ҳудудида миллионлаб одамлар тинч юртларга кетишга мажбур бўлган.
Макфарланднинг сўзларига кўра, фронтда жангариларнинг сони камаймоқда ва ташкилот сафига камроқ хорижлик тарафдорлар келиб қўшиляпти.
АҚШ бошчилигида халқаро аксилтеррор коалициянинг ИШИДга қарши уруш бошлаганидан буён Сурия ва Ироқ ҳудудига 20 мингта бомба ташланган. Мазкур коалиция 2014 йилнинг августидан бери жангариларга қарши курашиб келмоқда.
Шу ўринда, сўнгги икки йил ичида Сурияда олиб борилган ҳарбий ҳаракатлар натижасида 38 655 нафар тинч аҳоли ҳалок бўлган. Ироқда эса мазкур вақт давомида ИШИД жангарилари томонидан 19 мингга яқин тинч аҳоли вакиллари ўлдирилган. Бундан ташқари, икки мамлакат ҳудудида миллионлаб одамлар тинч юртларга кетишга мажбур бўлган.
Руслан Сулаймонов
