Жорий йил 4 октябрда Гаитида Мэтью тўфони кўтарилиб, деярли 1,5 миллион киши табиий офатдан азият чекди. Кучли бўрон туфайли бир неча шаҳар ва қишлоқлар бутунлай вайрон ҳолга келди.
Гаитида Мэтью тўфони жабрдийдаларига юборилган гуманитар ёрдам тарқатилаётганда, йиғилган оломон полиция томонидан ўққа тутилди. Оқибатда эса бир ўсмир ҳаётдан кўз юмди. Яна уч киши жароҳат олди. Бу ҳақда мамлакатдаги БМТ вакилининг маълумотига таянган ҳолда “Korrespondent” нашри хабар бермоқда.
Мамлакат жануби-ғарбидаги портларнинг бирида кемадан ижтимоий ёрдам маҳсулотлари туширилаётган вақтда одамлар кўплигидан тирбандлик юзага келган. Бу вазиятдан норози бўлган полиция вакиллари одамларга қарата ўқ узган. Натижада эса ўсмир қиз бевақт ҳаётдан кўз юмди. Айни вақтда БМТ мазкур ҳолат юзасидан суриштирув ишларини бошлаган.
Мамлакат жануби-ғарбидаги портларнинг бирида кемадан ижтимоий ёрдам маҳсулотлари туширилаётган вақтда одамлар кўплигидан тирбандлик юзага келган. Бу вазиятдан норози бўлган полиция вакиллари одамларга қарата ўқ узган. Натижада эса ўсмир қиз бевақт ҳаётдан кўз юмди. Айни вақтда БМТ мазкур ҳолат юзасидан суриштирув ишларини бошлаган.
Дурдона Расулова
