Эртага ҳарорат -8 даражага тушиб кетади

Гидрометеорология хизмати марказининг хабарига кўра, эртага, 28 ноябрь куни Тошкент шаҳрида ҳаво ўзгариб туради, ёғингарчилик кутилмайди.
 
Ҳарорат кундуз 8-10 даража илиқ бўлади. Кечаси эса туман тушади, ҳарорат -3 даражагача совуб кетади.
 
Қорақалпоғистон Республикаси ва Хоразм вилоятида ёмғир, қор ёғади.
 
Ҳарорат кундузи 5 даражагача илиқ бўлади. Кечаси эса -8 даражагача тушиб кетади.
 
Бухоро, Навоий, Самарқанд, Жиззах ва Сирдарё вилоятлари ҳамда Фарғона водийсида ёғингарчилик кузатилмайди.
 
Ҳарорат кундузи 2-7 даража илиқ бўлади. Кечаси эса -5 даражагача тушиб кетади.
 
Қашқадарё ва Сурхондарё вилоятларида ҳам ёғингарчилик кузатилмайди. Ҳарорат кундузи 8-13 даража илиқ бўлади. Кечаси эса -2 даражагача совуб кетади.