Туркия президенти Мармарис шаҳридан эртароқ чиқиб кетмаганда, исёнчилар уни ўлдиришлари мумкин эди.
“Мен телевидение, ОАВни таклиф қилиб, халққа экран орқали мурожаат қилмоқчи эдим, аммо аҳоли миллий телекомпания трансляциясини кўра олмас эди. Шу пайтда “Б” режага ўтишга тўғри келди – биз смартфон ва хусусий телеканаллардан фойдаландик”, дейди Туркия президенти CNN нашрига берган интервьюсида.
Эрдўғаннинг сўзларига кўра, исён бошланган пайтда у оиласи билан Мармарисда дам олаётган бўлган. Агар у бу шаҳарда 10-15 дақиқа ушланиб қолганда, уни ўлдиришлари ёки асирга олишлари мумкин эди.
Эслатиб ўтамиз, 15 июль куни кечқурун Туркияда бўлган давлатга қарши ҳарбийлар исёни натижасида 1400дан ортиқ одам жароҳатланди, икки юзга яқин одам ҳалок бўлди.