Чемпион бўлиш учун нима қилиш керак? Рустам Ашурматов жавоб берди

Ўзбекистон Миллий олимпия қўмитаси Матбуот ва Медиа департаменти Индонезияда бўлиб ўтадиган Осиё ўйинлари олдидан “Шоҳсупа сари йўл” лойиҳасини ишга туширган.
 
Лойиҳада қитъанинг энг нуфузли мусобақасида иштирок этадиган ўзбек спортчилари уларнинг бир нечта саволларига жавоб қайтарадилар.
 
Бунгача енгил атлетикачи Надия Дусанова, боксчимиз Исроил Мадримов, таэквондо спорти устаси Нигора Турсунқулова каби спортчилар мазкур лойиҳада иштирок этишганди.
 
Бугун Осиё чемпиони, “Бунёдкор” клуби футболчиси Рустам Ашурматов билан уюштирилган қисқа суҳбатни эътиборингизга тақдим этамиз.
 

 
Футболга оилавий қизиқамиз. Оиламиз аъзолари спортнинг ушбу турини жон-дилдан севишади. Футболни танлашимда ушбу омил муҳим роль ўйнаган. Шу сабабдан ҳам футбол билан профессионал тарзда шуғулланишни бошлаганман.
 

 

 
Спортчилар овқатланишга жиддий эътибор қаратади. Шу қатори мен ҳам имкон даражасида табиий маҳсулотларни истеъмол қилишга ва албатта ўз вақтида, тартиб билан овқатланишга ҳаракат қиламан.
 

 
Қайсидир спортчини бу борада алоҳида кўрсата олмайман. Ўз ишининг усталари, хақиқий профессионалларга ҳавас қиламан ва улардан ўзимга керак бўлган ҳислатларни олишга интиламан.
 

 
Футболчилик фаолиятим давомида жудаям кўп қизиқарли, кутилмаган воқеаларга дуч келаман. Шулардан бири, 23 ёшгача бўлган футболчилар ўртасидаги Осиё чемпионатида рўй берганди. Ўшанда ҳал қилувчи финал ўйини давомида кучли қор ёққанлиги сабабли биринчи бўлимда оқ, иккинчи таймда эса кўк либосда майдонга чиққанмиз. Менимча бундай ҳолат авваллари бўлмаган. Бундай финални хеч қачон эсдан чиқариб бўлмайди.
 

 
Чемпион бўлиш учун фақат меҳнат, ҳаракат ва яқинлар дуоси лозим бўлади. Спортчи ўз олдига қўйган мақсаддан чекинмаса, тинмай ҳаракатда бўлса албатта ўз мақсадига етишади. Спортда ҳар бир майда кўринган нарсага ҳам эътибор қаратиш талаб этилади. Шунда чемпионлик сари олға юриш мумкин бўлади.
 

 

 
Индонезияда бўлиб ўтадиган Осиё ўйинларини биз спортчилар орзиқиб кутяпмиз. У ерда қитъамизнинг энг кучли атлетлари жам бўладилар. Ўз навбатида биз ҳам мусобақага жиддий тайёргарлик кўряпмиз. Унутмаслик лозимки, биз Жакартага Осиё чемпионлари сифатида ташриф буюрамиз. Демак ҳар қандай рақиб бизга қарши икки карра кўпроқ иштиёқ билан тўп суради.
 
Аммо шунга қарамай, биз фақат чемпионлик учун кураш олиб борамиз. Умуман олганда Ўзбекистон ушбу ўйинларда нафақат футболдан, балки бошқа спорт турларидан ҳам муваффақиятли иштирок этишни мақсад қилиб қўйган. Президентимизнинг биз ёшларга ғамҳўрлиги, халқимизнинг дуоси билан биз насиб бўлса албатта ўз мақсадимизга етишамиз.