“Барселона” Коутиньонинг баҳосини 120 миллион еврога кўтармоқчими?

Ёдингизда бўлса, аввалроқ “Жаҳон чемпионатида иштирок этадиган жамоалар билан танишинг!” мақоласида “Олтин тўп” совринига даъвогар футболчилар рўйхатини тақдим этган эдик. Рўйхатнинг 8-ўрнини Филиппе Коутиньо ("Ливерпуль") банд қилган эди.
 
Энди эса, хабарларга кўра, Каталониянинг “Барселона” клуби қишги трансферлар мавсумида “Ливерпуль” ярим ҳимоячиси Филиппе Коутиньо билан шартнома имзолаш ишларини давом эттиришини маълум қилмоқда. Бу ҳақда “championat.com” нашри хабар берган.
 
“Diario Sport” нашрининг хабарига кўра, “Барселона” январь ойида “Ливерпуль”га 120 миллион евро таклиф этади.
 
Эслатиб ўтамиз, “Барселона” аввалроқ ҳам Коутиньони сотиб олиш истагини билдирганди, бироқ бунга футболчининг жамоаси “Ливерпуль” қаршилик билдирган.