...
МЕНЮ
ONLINE TV

Озодбек Назарбеков қўшиқчиларнинг “осмонга чиқиб кетишида” журналистларни айблади


12:27, 03.06.2017 Шоу-бизнес
 14 133

Шунингдек, хонанда оммавий ахборот воситалари ходимлари ва телебошловчиларга ҳам эътироз билдирди.

Кеча, 2 июнь куни “Ўзбекконцерт” ДМ мажлислар залида ўтган танқидий йиғилишда санъаткорлар ҳам соҳага оид танқидий фикрларини билдиришди. Жумладан, Ўзбекистон ва Қорақалпоғистон халқ артисти Озодбек Назарбеков хонандаларга ҳам олий ва ўрта махсус маълумотни билдирувчи диплом берилиши кераклигини таъкидлади.
 
“Коллежларни тамомлаган ўқувчилар ўрта махсус, универститетларни тугатган талабалар олий маълумотли деган диплом олишини яхши биламиз. Менимча, санъаткорларга ҳам шундай ҳужжат берилиши керак. Шунда халқ проффесионал ва ҳаваскорнинг фарқига боради”, деди Озодбек Назарбеков.
 
Шунингдек, хонанда оммавий ахборот воситалари ходимлари ва телебошловчиларга ҳам эътироз билдирди.
 
“Журналистлар ва бошловчилар кўп вазиятларда иккита қўшиқ айтган қўшиқчини ҳам “эстрадамизнинг ёрқин юлдузи”, “истеъдодли санъаткор” деб эълон қилади. Айнан уларнинг шу айби туфайли санъаткорлар “осмонга” чиқиб кетишмоқда”, дея гапида давом этди Озодбек Назарбеков.
 
Қайд этиш керак, мазкур йиғилишда айрим хонандалар – Райҳон, Лола, Муниса Ризаева, Шоҳруҳхон каби қўшиқчилар яна иштирок этишмади.
Шоҳсанам Нишонова

Теглар:Ўзбекконцерт Озодбек Назарбеков Райҳон Лола Муниса Ризаева Шоҳруҳхон Эстрада хонандалари 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!