Португалиялик футболчи “АПОЭЛ”га қарши учрашувда дубль муаллифига айланди.
Мадриднинг “Реал” клуби Европа Чемпионлар лигаси 1-турида Кипрнинг “АПОЭЛ” клуби устидан йирик 3:0 ҳисобида ғалабани қўлга киритди.
Мазкур ўйинда “галактикос”лар етакчиси Криштиану Роналду дубль муаллифига айланди. Португалиялик футболчи ўйиндан сўнг ўз фикрларини билдира туриб, мазкур турнирни яна бир марта ютишни хоҳлаётганини айтиб ўтди.
“Реал” ўз майдонида ўйнади ва шунинг учун ҳам турнирни ғалаба билан бошлаши зарур эди. Биласизлар, бизга қарши ўйинларда кўплаб жамоалар ҳимоявий тактикада ҳаракатланишади ва бугун рақиб ўзининг энг яхши ўйинларидан бирини кўрсатиб берди.
Биз янада кўп гол уришимиз мумкин эди, аммо бу натижа ҳам ёмон эмас. Турнирни ғалаба билан бошлаганимиздан мамнунмиз. Чемпионлар лигаси — энг муҳим турнир. Шунингдек, ўзимнинг майдонга қайтиб, голлар уришим ҳам муҳим воқелик ҳисобланади.
“Реал”га фойдам тегса, бундан хурсанд бўламан. Олдинда узоқ йўл турибди. Ўйиндан-ўйинга кучайиб боришни мақсад қилганмиз. Кейин эса кўрамиз...
Албатта, бош совринни қўлга киритишга интиламиз. Чемпионлар лигаси — бу бизнинг турнир ва биз буни ютишни истаймиз!” дейди Роналду “Реал” клуби Матбуот хизматига берган интервьюсида.
Маълумот учун, “Реал” ЕЧЛнинг иккинчи тур ўйинини 26 сентябрь куни сафарда Германиянинг “Боруссия” Дортмунд клубига қарши ўтказади.
Мазкур ўйинда “галактикос”лар етакчиси Криштиану Роналду дубль муаллифига айланди. Португалиялик футболчи ўйиндан сўнг ўз фикрларини билдира туриб, мазкур турнирни яна бир марта ютишни хоҳлаётганини айтиб ўтди.
“Реал” ўз майдонида ўйнади ва шунинг учун ҳам турнирни ғалаба билан бошлаши зарур эди. Биласизлар, бизга қарши ўйинларда кўплаб жамоалар ҳимоявий тактикада ҳаракатланишади ва бугун рақиб ўзининг энг яхши ўйинларидан бирини кўрсатиб берди.
Биз янада кўп гол уришимиз мумкин эди, аммо бу натижа ҳам ёмон эмас. Турнирни ғалаба билан бошлаганимиздан мамнунмиз. Чемпионлар лигаси — энг муҳим турнир. Шунингдек, ўзимнинг майдонга қайтиб, голлар уришим ҳам муҳим воқелик ҳисобланади.
“Реал”га фойдам тегса, бундан хурсанд бўламан. Олдинда узоқ йўл турибди. Ўйиндан-ўйинга кучайиб боришни мақсад қилганмиз. Кейин эса кўрамиз...
Албатта, бош совринни қўлга киритишга интиламиз. Чемпионлар лигаси — бу бизнинг турнир ва биз буни ютишни истаймиз!” дейди Роналду “Реал” клуби Матбуот хизматига берган интервьюсида.
Маълумот учун, “Реал” ЕЧЛнинг иккинчи тур ўйинини 26 сентябрь куни сафарда Германиянинг “Боруссия” Дортмунд клубига қарши ўтказади.
Акмалхон Эшонхонов
