Фото: Хорватия президенти жамоаси ўйинини оддий мухлислардек томоша қилди

3 июль куни жаҳон чемпионати нимчорак финал босқичида бўлиб ўтган Хорватия – Дания ўйинининг асосий меҳмони Хорватия президенти Колинди Грабар-Китарович бўлди.
 
Китарович матчни бошқа олий даражали меҳмонлар сингари вип-кабиналарда эмас, балки барчага ўрнак бўлиб, хорватиялик оддий мухлислар билан бирга трибунада кузатиб борган.
 
Бундан ташқари, у ўйинни томоша қилиш учун эконом классда учиб келган. Бунинг фотоисботи интернетда тарқалди.
 











 
“Мен барча каби мухлис эканимни кўрсатишни ва ҳамма қатори трибунада жамоамни қўллаб-қуввтлашни хоҳладим. Мен миллий белги туширилган футболка кийдим. Дресс-код ўрнатилган вип-зона бу ҳолда киришга рухсат бермаган бўларди”, дейди Хорватия президенти.
 
Китарович Сочи шаҳрида бўладиган Россия ва Хорватия ўйинига боради. Путин бу ўйинга келадими йўқми ҳозирча номаълум. Хорватия президенти Twitter’да Россияни Испания устидан ғалабага эришгани билан табриклаган эди.
 
Маълумот учун, Колинда Грабар-Китарович 2015 йилда Хорватия президенти бўлган. Президент бўлгунча у Хорватиянинг АҚШдаги элчиси ва НАТО Бош котибининг оммавий дипломатия масалалари бўйича ёрдамчиси сифатида фаолият юритган.