Ҳозирга қадар ҳалокат туфайли камида 3 кишининг вафот этгани, 9 киши турли тан жароҳатлари олгани айтилмоқда.
Бугун, 6 июнь куни Бельгияда йўловчиларни ва юк ташиш учун мўлжалланган икки поезд тўқнашди. Натижада камида 3 киши вафот этган яна 9 киши турли даражадаги тан жароҳатларини олган, деб ёзади “Novostivmire.com”нашри.
Маълумотларга кўра, йўловчи поезди худди шу йўналишда кетаётган юк ташувчи поезднинг сўнгги вагонига келиб урилган. Поезд ичида 40 га яқин йўловчи бўлган. Гувоҳларнинг сўзларига кўра, юк ташувчи поезднинг локомативи бутунлай ишдан чиққан. Тўқнашувдан аввал йўловчи поезди соатига 90 километр тезликда ҳаракатланаётган бўлган. Айни вақтда воқеа жойида қутқарув хизматлари иш олиб бормоқда. Тўқнашув сабаблари ва жабрланган сони аниқланмоқда.
Умида Якубова
