Таниқли актрисалардан бири шифохонада вафот этди

Барчамиз учун севимли бўлган қатор кинофильмларда эсдақоларли роллар ижро этган россиялик актриса Людмила Иванова бугун, 7 октябрь куни 83 ёшида вафот этди.
 
Маълумотларга кўра, актриса 29 сентябрь куни шаҳардаги 13-шаҳар шифохонасига олиб келинган. Бу ерда у режалаштирилган даво муолажаларини олиши лозим эди. Аммо бугун шифохонанинг жонлантириш бўлимида унинг юраги уришдан тўхтади.
 
“Ишдаги ишқ” фильмида Статистика бошқамаси касаба уюшмаси раҳбари лавозимидаги аёл – Шура ролини қойилмақом тарзда ижро этган актриса Людмила  Иванова 1933 йилнинг 22 июнида Москвада туғилган.
МХАТ мактаб-студиясини тамомлагач, 1955 йил Москваги кўчма драма театр гуруҳига қабул қилинган. 1957 йил актриса “Современник” театрига ўтади ва шу ерда 20дан ортиқ спектаклларда иштирок этади.

Театрда роль ижро этиш баробарида Иванова кинода ҳам суратга тушарди. 1958 йилда илк бор “Кўнгиллилар” фильмида роль ижро этган. Умрининг сўнгига қадар эса турли характер ва жанрдаги 80дан ортиқ фильмларда қатнашган.
 
Эльдар Рязанов томонидан суратга олинган “Ишдаги ишқ” фильмидаги Шура образи, шубҳасиз, актрисанинг энг эсда қоларли ролларидан бири эди. Ўзбек ҳалқи ҳам уни айнан ана шу фильмдаги роли учун севарди...