...
МЕНЮ
ONLINE TV

Қирғизистонда террористик ташкилот гумашталари қўлга олинди


11:02, 21.06.2016 Олам
 3 350

Махсус хизмат ходимлари томонидан қўлга олинган икки нафар шахсга нисбатан Қирғизистонга чегара бўлган давлатда қидирув эълон қилинган эди.

Қирғизистонда Суриядаги террористик ҳаракатларда қатнашиш учун одамларни йўлдан ураётган кимсалар Бишкек махсус хизмати ходимлари томонидан қўлга олинди. Бу ҳақда Республика Миллий хавфсизлик давлат қўмитаси (МХДҚ) Матбуот хизмати маълум қилди, дея “РИА Новости” хабар бермоқда.
 
Мамлакатда ўтказилган аксилтеррор операциялари давомида Бишкекда икки нафар шахс қўлга олинди. Улар 1992 йилда туғилган  Ж.Ф ва 1966 йилда таваллуд топган А.Б эканлиги аниқланди, дейилади хабарда.
 
Тергов давомида шу нарса аниқландики, қўлга олинган шахсларга нисбатан  Қирғизистонга қўшни бўлган давлатлардан бирида расмий қидирув эълон қилинган. Бу икки шахсга қарши жиноий иш қўзғатилди. Уларга биринчи навбатда давлат чегарасини ноқонуний кесиб ўтганлик айби қўйилмоқда.
 
Хабарда ёзилишича, ҳозирги кунда Сурия ва Ироқ ҳудудида фаолият олиб бораётган террористик ташкилотлар таркибида 500дан ортиқ қирғизистонлик бор. Ҳозирда Қирғизистонда янги қонун лойиҳасини ишлаб чиқиш режаси мавжуд. Унга кўра, чет элда террористлар таркибида ҳарбий ҳаракатларда қатнашадиган шахсларни фуқароликдан маҳрум этилади.
Руслан Сулаймонов

Теглар:Қирғизистон Сурия Террористик ташкилотлар ИШИД 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!