Мамлакат собиқ Бош вазири Темир Сариев илк бор расмий равишда Қирғизистон прездентлиги учун ўтказиладиган сайловда ўз номзодини илгари суришини маълум қилди.
Бишкекда 4 феврал куни ўтказилган “Ақшумқар” сиёсий партиясининг конференцияси делегатлари 2017 йилги мамлакат президентлиги учун бўлиб ўтадиган сайлов кампаниясида Сариев номзодининг иштирокини расмий доирада маъқуллади. Шундай қилиб, Темир Сариев эндиликда “Ақшумқар” партияси номидан президентлик учун ўз номзодини тақдим этади. Бу ҳақда "24kg.uz" нашри хабар берган.
Собиқ Бош вазир 2000-2007 йилларда Жўқорғи Кенгес депутати, 2010 йилнинг апрель ойидан июнигача ҳукумат раиси вазифасини вақтинча бажарувчи Роза Отунбаеванинг молия-иқтисод масалалари бўйича ўринбосари бўлиб ишлаган. 2011 йил декабрь ойидан Иқтисодиёт вазирлигини бошқарган, 2015 йил 30 апрель санасида эса парламент Сариевнинг Бош вазирлик лавозимига тайинланишини маъқуллайди. Темир Сариев ўз лавозимидан ўтган йил 11 апрель куни истеъфога чиқди.
Ҳозирда мамлакатни бошқариб келаётган президент Атамбаев ваколатлари шу йилнинг куз ойларида ниҳоясига етади.
Собиқ Бош вазир 2000-2007 йилларда Жўқорғи Кенгес депутати, 2010 йилнинг апрель ойидан июнигача ҳукумат раиси вазифасини вақтинча бажарувчи Роза Отунбаеванинг молия-иқтисод масалалари бўйича ўринбосари бўлиб ишлаган. 2011 йил декабрь ойидан Иқтисодиёт вазирлигини бошқарган, 2015 йил 30 апрель санасида эса парламент Сариевнинг Бош вазирлик лавозимига тайинланишини маъқуллайди. Темир Сариев ўз лавозимидан ўтган йил 11 апрель куни истеъфога чиқди.
Ҳозирда мамлакатни бошқариб келаётган президент Атамбаев ваколатлари шу йилнинг куз ойларида ниҳоясига етади.
Алишер Рўзиоҳунов
