Бу қарор Миср жамоатчилигида норозиликларга сабаб бўлмоқда.
Жорий йил 3 март куни Миср Олий Конституциявий суди Саудия Арабистони билан денгиз чегараларини белгилаш тўғрисидаги битимни қўллаб-қувватлади. Унга кўра Қизил денгиздаги икки баҳсли ороллар Тиран ва Санафир Саудия қироллиги суверенитетига ўтади. Бу ҳақда ТАСС ахборот агентлиги хабар бермоқда.
Ушбу судь органи қарори якуний ҳисобланиб, ҳеч қандай қайта кўришларга ҳожат қолдирмайди. Шунга кўра, аввалги суд органлари чиқарган оролнинг тегишлилиги борасидаги барча қарорлари бекор қилинади.
2017 йил июнда Миср парламенти икки томонлама шартномани ратификация қилган, кейинроқ шартномани президент Абдуль Фаттох ас-Сиси имзолаган эди. Ўтган ярим йил мобайнида Миср Олий Маъмурий суди шартномани ноқонуний деб ҳисоблаган.
Саудия қироллиги билан денгиз чегараларини белгилаш тўғрисидаги шартнома 2016 йил апрелда имзоланган эди.
Унга кўра икки орол Саудия қироллиги бошқарувига ўтиши керак бўлиб, келишувга эришилгандан кейин Миср жамоатчилигида норозиликлар тўлқинини келтириб чиқарган. Қоҳира ва бошқа шаҳарларда бир неча марта норозилик намойишлари ўтказилганди.
Ўтган юз йилликда ороллар назорати бир неча бор бир давлатдан иккинчисига ўтиб келган. 1967 йилдаги урушдан кейин Синай ярим ороли билан биргаликда икки орол Исроил бошқарувида бўлди.
1982 йил Синайнинг Мисрга қайтарилиши билан Тиран ва Санафирда яна Миср назорати ўрнатилди. Ваҳоланки, Саудия Арабистони у оролларга даъво қилаётганди.
Икки давлат ўртасидаги биринчи денгиз чегараларини белгилаш 2010 йилда амалга оширилган. Ар-Риёд БМТ конвенциясига кўра ўзининг ҳозирги денгиз чегараларини белгилаган, Миср эса буни тан олган эди.
2015 йилда техник комиссия Тиран ва Санафир ороллари Арабистон сувлари ҳудудида эканини аниқлади.
Саудия Арабистони Миср билан шартномани 2016 йилда ратификация қилган ва кейинроқ Қоҳира шартнома қонунийлигини тан олмаса Халқаро судга даъво қилиш билан таҳдид қилган эди.
Ушбу судь органи қарори якуний ҳисобланиб, ҳеч қандай қайта кўришларга ҳожат қолдирмайди. Шунга кўра, аввалги суд органлари чиқарган оролнинг тегишлилиги борасидаги барча қарорлари бекор қилинади.
2017 йил июнда Миср парламенти икки томонлама шартномани ратификация қилган, кейинроқ шартномани президент Абдуль Фаттох ас-Сиси имзолаган эди. Ўтган ярим йил мобайнида Миср Олий Маъмурий суди шартномани ноқонуний деб ҳисоблаган.
Саудия қироллиги билан денгиз чегараларини белгилаш тўғрисидаги шартнома 2016 йил апрелда имзоланган эди.
Унга кўра икки орол Саудия қироллиги бошқарувига ўтиши керак бўлиб, келишувга эришилгандан кейин Миср жамоатчилигида норозиликлар тўлқинини келтириб чиқарган. Қоҳира ва бошқа шаҳарларда бир неча марта норозилик намойишлари ўтказилганди.
Ўтган юз йилликда ороллар назорати бир неча бор бир давлатдан иккинчисига ўтиб келган. 1967 йилдаги урушдан кейин Синай ярим ороли билан биргаликда икки орол Исроил бошқарувида бўлди.
1982 йил Синайнинг Мисрга қайтарилиши билан Тиран ва Санафирда яна Миср назорати ўрнатилди. Ваҳоланки, Саудия Арабистони у оролларга даъво қилаётганди.
Икки давлат ўртасидаги биринчи денгиз чегараларини белгилаш 2010 йилда амалга оширилган. Ар-Риёд БМТ конвенциясига кўра ўзининг ҳозирги денгиз чегараларини белгилаган, Миср эса буни тан олган эди.
2015 йилда техник комиссия Тиран ва Санафир ороллари Арабистон сувлари ҳудудида эканини аниқлади.
Саудия Арабистони Миср билан шартномани 2016 йилда ратификация қилган ва кейинроқ Қоҳира шартнома қонунийлигини тан олмаса Халқаро судга даъво қилиш билан таҳдид қилган эди.
Суннатилла Абдуллаев
