Венгер “Арсенал”дан хайдалдими?

Англия терма жамоаси собиқ ҳужумчиси Иан Райт “Арсенал” бош мураббийи Арсен Венгерни истеъфога чиқиш қарори ҳақида ўз фикрини  билдириб ўтди.
 
“Арсен Венгер ўзини ҳурмат қиладиган инсонлар сирасига киради. Уни истеъфога чиқаришгани аниқ, буни кўнглим сезяпти. Венгер ўз манзилига кўплаб танқидлар олса ҳам кетмас эди. Мен буни биламан.
 
Уни ким истеъфога чиқарди буни аниқ билмайман. Лекин бир кун келиб, бу ишнинг таги албатта, очилади. Воқеадан олдин Венгер матбуот анжуманида кетиши ҳақида бир сўз ҳам демаган эди.
 
Лекин эртасига у бирданига кетишга қарор қилганини айтди. Ахир бу ғалати эмасми?!  Нима бўлганда ҳам Венгер бошини тик кўтарган ҳолдан “Арсенал”ни тарк этяпти. Натижаларга эътибор берманглар улар китобларда қолди. Венгерга ўхшаган афсоналар эса юрагимизда қолади”, - дейди Райт.
 
Эслатиб ўтамиз, аввалроқ, “Арсенал”ни 22 йилдан бери бошқариб келаётган Арсен Венгер жорий мавсум якунида лавозимини тарк этишини маълум қилганди.
 
Шунингдек, Венгер футболни тарк этиш нияти йўқлигини айтган. Мутахассис билан ҳозирдан кўплаб терма жамоалар, топ клублар қизиқиш билдиришмоқда.