Ракеталар БМТ резалюцияси қабул қилинганидан бир неча соат ўтиб учирилган.
Шимолий Корея Бирлашган Миллатлар Ташкилоти унга қарши резолюция қабул қилгандан бир неча соатлардан сўнг, Япония денгизи томонга кичик масофага учувчи олтита ракета учирди. Бу ҳақда пайшанба куни Жанубий Корея мудофаа вазирлиги вакили Мун Сан Гюн маълум қилди, дея “Global Times” хабар берди.
“Олти ракета, тахминан, 300 миллиметрли калибрга эга бўлиб, бугун маҳаллий вақт билан соат 10:00 да (Тошкент вақи билан 06:00) йирик ҳарбий-денгиз базаси жойлашган Вонсан шаҳри ҳудудидан учирилган. Ракеталар 100-150 километр узоқликка учиб, Япон денгизига бориб тушган”, – дейди Мун Сан Гюн.
Вазирлик вакилининг сўзларига кўра, Жанубий Корея мазкур ҳолатни таҳлил қилмоқда ва воқеанинг аниқроқ тафсилотларини кейинроқ маълум қилади.
КХДР бу ҳаракати билан унга қарши Нью-Йоркда БМТ Хавфсизлик кенгаши томонидан Пхеньяннинг сўнгги ядро ва узоқ масофага учувчи ракета синовига жавобан қабул қилинган санкциялардан норозилигини кўрсатган бўлиши мумкин, дейилади хабарда.
БМТ томонидан Шимолий Кореяга қарши қабул қилинган резолуция тўртинчи ҳисобланади. Бундан олдин 2006, 2009 ва 2013 йилларда КХДРнинг ядро синовларидан сўнг ташкилот мазкур давлатга жазо чораларини қўллаган эди.
Маълумот ўрнида, 2 март куни БМТ Хавфсизлик Кенгаши КХДРга қарши резолюция қабул қилди ва бир қатор санкциялар киритди. Резолюцияда Шимолий Кореяга олиб кирилаётган ва ундан чиқарилаётган юклар текширилиши, ҳамда экспортга чеклов қўйиш кўзда тутилган. Шунингдек, Шимолий Кореядан кўмир, темир, олтин, титан ва ноёб табиий маъданлар экспорт қилиш чекланди. Пхеньянга авиация ва ракета ёнилғиси этказиб бериш ва барча турдаги қурол-аслаҳалар сотиш тақиқланди. Шу билан бирга, Шимолий Корея банкларига нисбатан молиявий санкциялар киритилди.
Санкциялар Шимолий Кореянинг 16 нафар фуқароси ва 12 та компаниясига қарши амал қиладиган бўлди.
“Олти ракета, тахминан, 300 миллиметрли калибрга эга бўлиб, бугун маҳаллий вақт билан соат 10:00 да (Тошкент вақи билан 06:00) йирик ҳарбий-денгиз базаси жойлашган Вонсан шаҳри ҳудудидан учирилган. Ракеталар 100-150 километр узоқликка учиб, Япон денгизига бориб тушган”, – дейди Мун Сан Гюн.
Вазирлик вакилининг сўзларига кўра, Жанубий Корея мазкур ҳолатни таҳлил қилмоқда ва воқеанинг аниқроқ тафсилотларини кейинроқ маълум қилади.
КХДР бу ҳаракати билан унга қарши Нью-Йоркда БМТ Хавфсизлик кенгаши томонидан Пхеньяннинг сўнгги ядро ва узоқ масофага учувчи ракета синовига жавобан қабул қилинган санкциялардан норозилигини кўрсатган бўлиши мумкин, дейилади хабарда.
БМТ томонидан Шимолий Кореяга қарши қабул қилинган резолуция тўртинчи ҳисобланади. Бундан олдин 2006, 2009 ва 2013 йилларда КХДРнинг ядро синовларидан сўнг ташкилот мазкур давлатга жазо чораларини қўллаган эди.
Маълумот ўрнида, 2 март куни БМТ Хавфсизлик Кенгаши КХДРга қарши резолюция қабул қилди ва бир қатор санкциялар киритди. Резолюцияда Шимолий Кореяга олиб кирилаётган ва ундан чиқарилаётган юклар текширилиши, ҳамда экспортга чеклов қўйиш кўзда тутилган. Шунингдек, Шимолий Кореядан кўмир, темир, олтин, титан ва ноёб табиий маъданлар экспорт қилиш чекланди. Пхеньянга авиация ва ракета ёнилғиси этказиб бериш ва барча турдаги қурол-аслаҳалар сотиш тақиқланди. Шу билан бирга, Шимолий Корея банкларига нисбатан молиявий санкциялар киритилди.
Санкциялар Шимолий Кореянинг 16 нафар фуқароси ва 12 та компаниясига қарши амал қиладиган бўлди.
Руслан Сулаймонов
