Видеоклипдаги тасвирларда миллий менталитетимизга мос бўлмаган рақслар акс этган.
“Ўзбекконцерт” қошидаги кенгаш хонанда Шаҳло Аҳмедова ва Жасур Умировнинг клипларини рад этди.
Кеча, 16 июль куни “Ўзбекконцерт” давлат муассасаси қошидаги қўшиқлар ва уларга ишланган видеоклиплар савиясини баҳолаш Бадиий Кенгашининг навбатдаги йиғилиши бўлиб ўтди.
Маълум қилинишича, кенгашда 10 нафар хонандалар томонидан тақдим этилган видеоклиплар кўриб чиқилди.
Видеоклипларни баҳолашда Кенгаш аъзолари ижодий ишдаги бадиий ва профессионал ёндашувларга ҳамда халқимиз тарбияси ва дунёқарашига таъсир этиш даражасига эътибор қаратди.
Аниқроғи, Ўзбекистонда хизмат кўрсатган артист Лола Ахмедованинг “Эрка десам”, “Ниҳол” мукофоти совриндори Манзура Йўлдашеванинг Озарбайжон тилида куйланган “Ман бир айри”, хонанда Хуршид Расуловнинг “Ёшлигимга қайтгим келади”, хонанда (Шаҳзода) Зилола Мусаеванинг “Жажжи қизалоқ” ҳамда хонанда Наврўз Собировнинг “Бу тупроқ” деб номланган қўшиқларига ишланган клиплари муҳокама этилиб, ушбу ижрочиларга клиплардаги баъзи жузъий кадрларни тўғрилаш шарти билан эфирга узатиш учун тавсия берилди.
Хонанда Шаҳло Ахмедова ижро этган “Индама” қўшиқ матни шеърият талабларига мутлақо жавоб бермаслиги, “олди-қочди” жумлалардан иборатлиги, унга ишланган видеоклипдаги тасвирларда миллий менталитетимизга мос бўлмаган, маънавиятимизга зид хатти-ҳаракатлар, “оммавий маданият”ни тарғиб қилувчи рақслар акс этганлиги боис, ушбу клип рад этилди.
Хонанда Ҳадича Қурбонова ижро этган “Ёлғиз қиз” қўшиғига ишланган видеоклип тўлиқ ниҳоясига етмаганлиги ҳамда мусиқасини миллий чолғулар асосида бойитиш кераклиги тушунтирилди. Хонандага клипни тайёр ҳолда навбатдаги Кенгашга топширилиши маълум қилинди.
Бундан ташқари, хонанда Жасур Умиров ижросидаги “Хўрланди юрак” қўшиғига ишланган видеоклипда компьютер графикасидан ўринли фойдаланилмаганлиги, қўшиқ матни мазмунан саёзлиги ва видеоклипдаги айрим ўринсиз кадрлар олиб ташланиши лозимлиги ижодкорга тушунтирилиб, ушбу клип рад этилди.
Хонанда Нодир Ниёзов томонидан ижро қилинган “Она” қўшиғи матни яхши ёзилгани эътироф этилиб, клипдаги тушунарсиз кадрларга эътироз билдирилди. Мазкур камчиликлар бартараф этилгандан сўнг, хонанданинг видеоклипи Бадиий Кенгашда қайта кўриб чиқиладиган бўлди.
Хонанда Эльвира Юсупова (“Кўк чой” гуруҳи) ижро этган “I love you, Bukhara” қўшиғига ишланган видеоклипдаги айрим жузъий камчилик яъни йигит томонидан қизни кўтариш рақси олиб ташлаш тавсия этилди. Хонанда томонидан жойида тўғриланганлиги учун рухсат берилди.
Эслатиб ўтамиз, аввалроқ “Ўзбекконцерт” томонидан Ўзбекистонда хизмат кўрсатган артист Улуғбек Раҳматуллаевга берилган лицензия тугатилгани ва орадан кўп вақт ўтмай, унинг лицензияси қайтарилгани ҳақида хабар берган эдик.
Кеча, 16 июль куни “Ўзбекконцерт” давлат муассасаси қошидаги қўшиқлар ва уларга ишланган видеоклиплар савиясини баҳолаш Бадиий Кенгашининг навбатдаги йиғилиши бўлиб ўтди.
Маълум қилинишича, кенгашда 10 нафар хонандалар томонидан тақдим этилган видеоклиплар кўриб чиқилди.
Видеоклипларни баҳолашда Кенгаш аъзолари ижодий ишдаги бадиий ва профессионал ёндашувларга ҳамда халқимиз тарбияси ва дунёқарашига таъсир этиш даражасига эътибор қаратди.
Аниқроғи, Ўзбекистонда хизмат кўрсатган артист Лола Ахмедованинг “Эрка десам”, “Ниҳол” мукофоти совриндори Манзура Йўлдашеванинг Озарбайжон тилида куйланган “Ман бир айри”, хонанда Хуршид Расуловнинг “Ёшлигимга қайтгим келади”, хонанда (Шаҳзода) Зилола Мусаеванинг “Жажжи қизалоқ” ҳамда хонанда Наврўз Собировнинг “Бу тупроқ” деб номланган қўшиқларига ишланган клиплари муҳокама этилиб, ушбу ижрочиларга клиплардаги баъзи жузъий кадрларни тўғрилаш шарти билан эфирга узатиш учун тавсия берилди.
Хонанда Шаҳло Ахмедова ижро этган “Индама” қўшиқ матни шеърият талабларига мутлақо жавоб бермаслиги, “олди-қочди” жумлалардан иборатлиги, унга ишланган видеоклипдаги тасвирларда миллий менталитетимизга мос бўлмаган, маънавиятимизга зид хатти-ҳаракатлар, “оммавий маданият”ни тарғиб қилувчи рақслар акс этганлиги боис, ушбу клип рад этилди.
Хонанда Ҳадича Қурбонова ижро этган “Ёлғиз қиз” қўшиғига ишланган видеоклип тўлиқ ниҳоясига етмаганлиги ҳамда мусиқасини миллий чолғулар асосида бойитиш кераклиги тушунтирилди. Хонандага клипни тайёр ҳолда навбатдаги Кенгашга топширилиши маълум қилинди.
Бундан ташқари, хонанда Жасур Умиров ижросидаги “Хўрланди юрак” қўшиғига ишланган видеоклипда компьютер графикасидан ўринли фойдаланилмаганлиги, қўшиқ матни мазмунан саёзлиги ва видеоклипдаги айрим ўринсиз кадрлар олиб ташланиши лозимлиги ижодкорга тушунтирилиб, ушбу клип рад этилди.
Хонанда Нодир Ниёзов томонидан ижро қилинган “Она” қўшиғи матни яхши ёзилгани эътироф этилиб, клипдаги тушунарсиз кадрларга эътироз билдирилди. Мазкур камчиликлар бартараф этилгандан сўнг, хонанданинг видеоклипи Бадиий Кенгашда қайта кўриб чиқиладиган бўлди.
Хонанда Эльвира Юсупова (“Кўк чой” гуруҳи) ижро этган “I love you, Bukhara” қўшиғига ишланган видеоклипдаги айрим жузъий камчилик яъни йигит томонидан қизни кўтариш рақси олиб ташлаш тавсия этилди. Хонанда томонидан жойида тўғриланганлиги учун рухсат берилди.
Эслатиб ўтамиз, аввалроқ “Ўзбекконцерт” томонидан Ўзбекистонда хизмат кўрсатган артист Улуғбек Раҳматуллаевга берилган лицензия тугатилгани ва орадан кўп вақт ўтмай, унинг лицензияси қайтарилгани ҳақида хабар берган эдик.
Акмалхон Эшонхонов
