Шу ўринда яна бир савол туғилади: камераларнинг, хусусан, Йўл ҳаракати хавфсизлиги ходимларининг вазифаси йўллардаги қоидабузарликларнинг олдини олишми ёки қоидабузарлик учун ҳайдовчини жаримага тортиш?
Бугун тошкентликларнинг суҳбати бош мавзуси чорраҳаларга ўрнатилган кузатув кемаралари бўлиб қолгани ҳеч кимга сир эмас. 2015 йилнинг 11 августидан йўллардаги қоидабузарликларни пайқашни бошлаган камералар 2017 йилнинг 15 мартидан бошлаб, қоидабузарликлар бўйича жарималарни қайд этишни ҳам бошлади.
Ҳозирча, кузатув камералари светофорнинг тақиқланган чироғида ҳаракатланган ва тезликни белгиланган меъёрдан оширган автомобилларга жарима белгиламоқда. Шу ўринда савол туғилади: Тошкент шаҳрининг йўллари, хусусан, йўллардаги ётиқ чизиқлар, светофорларнинг техник созлиги стандартга жавоб берадими? Ҳайдовчиларни жаримага тортишдан аввал, жаримага олиб борувчи ҳолатларни бартараф этиш керак эмасми?
Гап исботи билан бўлсин! Тошкент шаҳрининг Қорасарой кўчасидаги чорраҳага ҳам кузатув камералари ўрнатилган. Бироқ йўл чизиғини қоронғу нари турсин, ёруғ кунда ҳам аранг кўрасиз. Худди шундай ҳолатга Абай кўчасида ҳам гувоҳ бўлиш мумкин. Айрим чорраҳаларда, тўхташ чизиғи нари турсин, ҳатто, автомобиллар қатнов қисмларини ажратиб турувчи ётиқ чизиқни ҳам топиб бўлмайди. Йўл чизиғини пайқамай, светофорнинг қизил тақиқловчи чироғи ёнган вақтда босиб ўтган ҳайдовчи эса жаримага тортилиши адолатданми? Тошкент шаҳар Ички ишлар бош бошқармасида кеча, 16 март куни бўлиб ўтган брифингда Тошкент шаҳар Йўл ҳаракати хавфсизлиги бошқармаси вакили саволларга жавоб берди.
Баҳодир Мусаназаров, Тошкент шаҳар Йўл ҳаракати хавфсизлиги бошқармаси Йўл назорати бўлими бошлиғи:
— Тошкент шаҳрининг 120 та чорраҳасига ўрнатилган кузатув камераларидан 115 таси ишламоқда. Қиш мавсуми оғир келгани туфайли йўл чизиқларининг сифати бузилган. Ҳозирги кунда ётиқ чизиқларни чизиш ишлари бошлаб юборилган. Камералар ўрнатилган чорраҳаларимизнинг 80 фоизида йўл ётиқ чизиқлари янгилаб чиқилди ва бу ишлар ҳамон давом эттирилмоқда. Об-ҳаво бироз совуқ бўлгани, паст ҳароратда бўёқлар қотмагани учун, кунлар исиши кутилди. Йўлларнинг ҳолатига келсак, камера ўрнатилган 115 та чорраҳадаги йўлларнинг ҳолати йўл қопламаси (асфальт) жиҳатидан талабга жавоб беради.
— Ётиқ чизиқ чизилмаган, бўёғи ўчган йўлдаги қоидабузарлик учун автомобиль эгаси жаримага тортилиши тўғрими?
— Камералар йўл ётиқ чизиғи чизилган жойлардаги қоидабузарликлар аниқлаяпти, холос. Қолганларида таъмир босқичма-босқич тугатиляпти, икки-уч кун ичида 100 фоиз чизиб бўлинади.
Маълум қилиняптики, йўл қопламаси, ётиқ чизиқлар билан боғлиқ муаммолар бартараф этилгач, камералар ўз фаолиятини тўлиқ ҳолда ишга туширади. Шу ўринда яна бир савол туғилади: камераларнинг, хусусан, Йўл ҳаракати хавфсизлиги ходимларининг вазифаси йўллардаги қоидабузарликларнинг олдини олишми ёки қоидабузарлик учун ҳайдовчини жаримага тортиш? Агар қоидабузарликнинг олдини олиш бўлса, нима учун қоидабузарликни келтириб чиқарувчи омиллар бугунгача бартараф қилинмай, камералар коидабузарликларни қайд этишни бошлади? Саволлар кўп, буларга эса тез орада жавоб топамиз.
Йўлингиз бехатар бўлсин!
Ҳозирча, кузатув камералари светофорнинг тақиқланган чироғида ҳаракатланган ва тезликни белгиланган меъёрдан оширган автомобилларга жарима белгиламоқда. Шу ўринда савол туғилади: Тошкент шаҳрининг йўллари, хусусан, йўллардаги ётиқ чизиқлар, светофорларнинг техник созлиги стандартга жавоб берадими? Ҳайдовчиларни жаримага тортишдан аввал, жаримага олиб борувчи ҳолатларни бартараф этиш керак эмасми?
Гап исботи билан бўлсин! Тошкент шаҳрининг Қорасарой кўчасидаги чорраҳага ҳам кузатув камералари ўрнатилган. Бироқ йўл чизиғини қоронғу нари турсин, ёруғ кунда ҳам аранг кўрасиз. Худди шундай ҳолатга Абай кўчасида ҳам гувоҳ бўлиш мумкин. Айрим чорраҳаларда, тўхташ чизиғи нари турсин, ҳатто, автомобиллар қатнов қисмларини ажратиб турувчи ётиқ чизиқни ҳам топиб бўлмайди. Йўл чизиғини пайқамай, светофорнинг қизил тақиқловчи чироғи ёнган вақтда босиб ўтган ҳайдовчи эса жаримага тортилиши адолатданми? Тошкент шаҳар Ички ишлар бош бошқармасида кеча, 16 март куни бўлиб ўтган брифингда Тошкент шаҳар Йўл ҳаракати хавфсизлиги бошқармаси вакили саволларга жавоб берди.
Баҳодир Мусаназаров, Тошкент шаҳар Йўл ҳаракати хавфсизлиги бошқармаси Йўл назорати бўлими бошлиғи:— Тошкент шаҳрининг 120 та чорраҳасига ўрнатилган кузатув камераларидан 115 таси ишламоқда. Қиш мавсуми оғир келгани туфайли йўл чизиқларининг сифати бузилган. Ҳозирги кунда ётиқ чизиқларни чизиш ишлари бошлаб юборилган. Камералар ўрнатилган чорраҳаларимизнинг 80 фоизида йўл ётиқ чизиқлари янгилаб чиқилди ва бу ишлар ҳамон давом эттирилмоқда. Об-ҳаво бироз совуқ бўлгани, паст ҳароратда бўёқлар қотмагани учун, кунлар исиши кутилди. Йўлларнинг ҳолатига келсак, камера ўрнатилган 115 та чорраҳадаги йўлларнинг ҳолати йўл қопламаси (асфальт) жиҳатидан талабга жавоб беради.
— Ётиқ чизиқ чизилмаган, бўёғи ўчган йўлдаги қоидабузарлик учун автомобиль эгаси жаримага тортилиши тўғрими?
— Камералар йўл ётиқ чизиғи чизилган жойлардаги қоидабузарликлар аниқлаяпти, холос. Қолганларида таъмир босқичма-босқич тугатиляпти, икки-уч кун ичида 100 фоиз чизиб бўлинади.
Маълум қилиняптики, йўл қопламаси, ётиқ чизиқлар билан боғлиқ муаммолар бартараф этилгач, камералар ўз фаолиятини тўлиқ ҳолда ишга туширади. Шу ўринда яна бир савол туғилади: камераларнинг, хусусан, Йўл ҳаракати хавфсизлиги ходимларининг вазифаси йўллардаги қоидабузарликларнинг олдини олишми ёки қоидабузарлик учун ҳайдовчини жаримага тортиш? Агар қоидабузарликнинг олдини олиш бўлса, нима учун қоидабузарликни келтириб чиқарувчи омиллар бугунгача бартараф қилинмай, камералар коидабузарликларни қайд этишни бошлади? Саволлар кўп, буларга эса тез орада жавоб топамиз.
Йўлингиз бехатар бўлсин!
