Бундан бир неча кун олдин АҚШ Молия вазири Стивен Мнучиннинг уйига почта жўнатмаси келтирилган. Сапёрлар келиб, бу жўнатмани очиб кўришганида, унга отнинг гўнги солингани маълум бўлган эди. 

Бу жўнатмани АҚШ Молия вазирига жўнатган одам маълум бўлди. Ушбу шахс – Лос-Анжелеслик руҳшунос Робби Стронг бўлиб чиқди, дейилади оммавий ахборот воситалари хабарларида.   

Робби Стронг ўзининг бу хатти-ҳаракати билан “республикачилар партияси ишчилар учун ҳеч нарса қилиб бермаганини” кўрсатиб бермоқчи бўлган. 

Маълум бўлишича, Стронг АҚШ Молия вазири Стивен Мнучинга иккита жўнатма юборган. Бири Лос-Анжелесдаги Бэл-Эйр, иккинчиси Беверли-Хиллздаги манзилига жўнатилган. Ҳар икки жўнатмага ҳам “Америка халқидан” деб ёзилган бўлган.