Швейцарияга ташрифни ташкиллаштириш ва уни муваффақиятли ўтказишдан томонлар манфаатдор эканлиги тасдиқланди.
Кеча, 19 ноябрь куни Берн шаҳрида Ўзбекистон-Швейцария сиёсий маслаҳатлашувларининг бешинчи раунди бўлиб ўтди.
Ўзбекистон Республикаси делегациясига Ташқи ишлар вазири ўринбосари Дилшод Ахатов, Швейцария Конфедерацияси делегациясига Федерал ташқи ишлар департаменти давлат котиби ўринбосари Кристина Марти Ланг бошчилик қилди.
Музокараларда сиёсий, иқтисодий, маданий-гуманитар ва бошқа соҳалардаги икки томонлама ҳамкорлик ҳолати ва уни фаоллаштиришнинг истиқболли йўналишлари муҳокама қилинди.
Ўзбекистон Президенти Шавкат Мирзиёевнинг 2019 йилда Швейцарияга ташрифини ташкиллаштириш ва уни муваффақиятли ўтказишдан томонлар манфаатдор эканлиги тасдиқланди.
Суҳбат чоғида савдо-иқтисодий, инвестиция ва молия соҳаларида ҳамкорликни чуқурлаштиришга алоҳида эътибор қаратилди. Ўзаро савдода товар ва хизматлар турларини кенгайтириш, қўшма инвестиция лойиҳаларини ишлаб чиқиш, икки давлат бизнес вакилларини ҳамкорликка кенг жалб этишга томонлар тайёр эканлиги таъкидланди. Шу ўринда келгуси йилнинг биринчи ярмида Савдо-иқтисодий ҳамкорлик бўйича ҳукуматлараро комиссиянинг 8-мажлисини ўтказиш бўйича таклифлар кўриб чиқилди.
Учрашувда минтақавий ва халқаро муаммоларнинг муҳим жиҳатлари юзасидан ҳам фикр алмашилди.
Шу куннинг ўзида Швейцария Федерал мажлиси Миллий кенгашининг (парламент) халқаро парламентлараро алоқалар хизмати раҳбари Клаудиё Фишер, Федерал молия департаменти Давлат котиби Йорг Гассер ва Швейцария ташқи сиёсат идорасининг сув масалалари бўйича янги тайинланган Махсус Элчиси Гай Бонвин билан музокаралар ўтказилди.
Эслатиб ўтамиз, Шавкат Мирзиёев 2019 йилнинг биринчи ярмида Канадага ташриф буюриши ҳақида хабар берган эдик.
Ўзбекистон Республикаси делегациясига Ташқи ишлар вазири ўринбосари Дилшод Ахатов, Швейцария Конфедерацияси делегациясига Федерал ташқи ишлар департаменти давлат котиби ўринбосари Кристина Марти Ланг бошчилик қилди.
Музокараларда сиёсий, иқтисодий, маданий-гуманитар ва бошқа соҳалардаги икки томонлама ҳамкорлик ҳолати ва уни фаоллаштиришнинг истиқболли йўналишлари муҳокама қилинди.
Ўзбекистон Президенти Шавкат Мирзиёевнинг 2019 йилда Швейцарияга ташрифини ташкиллаштириш ва уни муваффақиятли ўтказишдан томонлар манфаатдор эканлиги тасдиқланди.
Суҳбат чоғида савдо-иқтисодий, инвестиция ва молия соҳаларида ҳамкорликни чуқурлаштиришга алоҳида эътибор қаратилди. Ўзаро савдода товар ва хизматлар турларини кенгайтириш, қўшма инвестиция лойиҳаларини ишлаб чиқиш, икки давлат бизнес вакилларини ҳамкорликка кенг жалб этишга томонлар тайёр эканлиги таъкидланди. Шу ўринда келгуси йилнинг биринчи ярмида Савдо-иқтисодий ҳамкорлик бўйича ҳукуматлараро комиссиянинг 8-мажлисини ўтказиш бўйича таклифлар кўриб чиқилди.
Учрашувда минтақавий ва халқаро муаммоларнинг муҳим жиҳатлари юзасидан ҳам фикр алмашилди.
Шу куннинг ўзида Швейцария Федерал мажлиси Миллий кенгашининг (парламент) халқаро парламентлараро алоқалар хизмати раҳбари Клаудиё Фишер, Федерал молия департаменти Давлат котиби Йорг Гассер ва Швейцария ташқи сиёсат идорасининг сув масалалари бўйича янги тайинланган Махсус Элчиси Гай Бонвин билан музокаралар ўтказилди.
Эслатиб ўтамиз, Шавкат Мирзиёев 2019 йилнинг биринчи ярмида Канадага ташриф буюриши ҳақида хабар берган эдик.
