Компания дунёнинг 55 та мамлакатидан ўз маҳсулотларини қайтариб олмоқда.
Бугун, 23 февраль куни ижтимоий тармоқларда Mars, Snickers, Milky Way Minis каби дунёнинг барча мамлакатларида севиб истеъмол қилинадиган шоколадларнинг ичидан пластик бўлаклар топилаётгани, ушбу шоколадларни ишлаб чиқарувчи Mars компанияси барча шоколадларини ихтиёрий равишда қайтариб олаётгани ҳақидаги хабар тарқалди.
Айтиш керакки, буни кўпчилик бошқа ширинлик ишлаб чиқарувчи компаниялар билан ўзаро рақобат ёки бошқаларнинг бизнесини “синдириш” учун қилинган нағма деб ўйлаши ҳам мумкин. Аммо айни хабар борасида “Euronews.com” сайтида ҳам бугун қуйидаги хабар чоп этилди.
Mars компанияси шоколадларини қайтариб бераётган давлатлар сони 55 тага етди. Улар орасида Германия, Буюк Британия, Бельгия, Франция, Италия, Испания каби давлатлар ҳам бор.
Ушбу ҳаракат шоколадлар ичидан пластик бўлаклар топилгандан сўнг амалга оширилган. Қайтариб олинаётган маҳсулотларнинг яроқлик муддати 2016 йилнинг 19 июнидан 2017 йилнинг 8 январигача амал қилиши кўрсатилган.
Эслатиб ўтамиз, Америкалик ишлаб чиқарувчиларнинг Германияданинг Фирзен шаҳридаги штаб квартирасида 1 кунда 10 миллион дона шоколад ишлаб чиқарилади.
Айни дамда машҳур шоколад батончаларининг қанчаси қайтариб олинаётгани ва компаниянинг кўраётган зарари миқдори ҳақида бирор маълумот йўқ.
Ижтимоий тармоқ фойдаланувчилари ўртасида ушбу мавзуда қизғин баҳс кетмоқда. Уларнинг бир қисми бунинг ёлғон эканини таъкидласа, бошқалари бу шоколадларни энди сотиб олмаслигини айтмоқда. Нима бўлганда ҳам, компаниянинг маҳсулотларини қайтариб олаётгани ҳақидаги хабар, ишлаб чиқариш жараёнида қўпол хатога йўл қўйилганининг белгиси саналади. Неча йиллардан буён жаҳон бозорида ўз ҳурмат-эътиборига эга бўлган компания бир неча миллион дона шоколадни деб, ўз обрўсига путур етишини истамагани учун ҳам шундай йўл тутаётган бўлса ажабмас. Воқеалар ривожини биргаликда кузатамиз.
Айтиш керакки, буни кўпчилик бошқа ширинлик ишлаб чиқарувчи компаниялар билан ўзаро рақобат ёки бошқаларнинг бизнесини “синдириш” учун қилинган нағма деб ўйлаши ҳам мумкин. Аммо айни хабар борасида “Euronews.com” сайтида ҳам бугун қуйидаги хабар чоп этилди.
Mars компанияси шоколадларини қайтариб бераётган давлатлар сони 55 тага етди. Улар орасида Германия, Буюк Британия, Бельгия, Франция, Италия, Испания каби давлатлар ҳам бор.
Ушбу ҳаракат шоколадлар ичидан пластик бўлаклар топилгандан сўнг амалга оширилган. Қайтариб олинаётган маҳсулотларнинг яроқлик муддати 2016 йилнинг 19 июнидан 2017 йилнинг 8 январигача амал қилиши кўрсатилган.
Эслатиб ўтамиз, Америкалик ишлаб чиқарувчиларнинг Германияданинг Фирзен шаҳридаги штаб квартирасида 1 кунда 10 миллион дона шоколад ишлаб чиқарилади.
Айни дамда машҳур шоколад батончаларининг қанчаси қайтариб олинаётгани ва компаниянинг кўраётган зарари миқдори ҳақида бирор маълумот йўқ.
Ижтимоий тармоқ фойдаланувчилари ўртасида ушбу мавзуда қизғин баҳс кетмоқда. Уларнинг бир қисми бунинг ёлғон эканини таъкидласа, бошқалари бу шоколадларни энди сотиб олмаслигини айтмоқда. Нима бўлганда ҳам, компаниянинг маҳсулотларини қайтариб олаётгани ҳақидаги хабар, ишлаб чиқариш жараёнида қўпол хатога йўл қўйилганининг белгиси саналади. Неча йиллардан буён жаҳон бозорида ўз ҳурмат-эътиборига эга бўлган компания бир неча миллион дона шоколадни деб, ўз обрўсига путур етишини истамагани учун ҳам шундай йўл тутаётган бўлса ажабмас. Воқеалар ривожини биргаликда кузатамиз.
Умида Якубова
