КХДР етакчиси Си Цзиньпин билан норасмий тарзда учрашди

Аввалроқ, Шимлоий Корея етакчиси Ким Чен Ин Хитой билан чегара шаҳар Даньдун орқали махсус поездда Пекинга ташриф буюргани ҳақида хабар қилган эдик.
 
Хитой Халқ Республикаси раиси Си Цзиньпин таклифига биноан Шимолий Корея етакчиси Ким Чен Ин жорий йилнинг 25-28 март кунлари Пекинда бўлди ва икки томонлама норасмий учрашув ўтказилди, деб хабар бермоқда Хитойнинг “Синьхуа” агенлиги.
 
Маълум бўлишича, Шимлоий Корея етакчиси Пекинга рафиқаси билан ташриф буюрган ва Си Цзиньпинни ХХР раислигига қайта сайлангани билан шахсан табриклаган.


 
Учрашув Пекиндаги олий тоифали учрашувлар ўтказиладиган залда бўлиб ўтган ва меҳмонларни ХХР раиси рафиқаси билан биргаликда кутиб олган.


 
Шунингдек, ушбу тадбирга ХХР Бош вазири, ХХР Коммунистик партияси Сиёсий бюроси аъзолари ва Шимолий Корея дипломатлари иштирок этган.
 
Икки мамлкат етакчилари бир-бирининг шаънига илиқ фикрлар билдиргани ҳолда Узоқ Шарқдаги сиёсий вазият ва икки томонлама алоқаларни ривожлантириш ҳақида фикр алмашди.


 
Хусусан, ХХР раиси қуйидагиларни таъкидлаган:
 
“Биз Шимолий Кореялдик дўстларимиз билан ҳамкорлик қилишни хоҳлаймиз, бу келажакка бирга интилиш учун керак. Шу тариқа биз мамлакатлар ўртасидаги узоқ муддатли ва бардавом муносабатларга кўмак кўрсатамиз ҳамда мамлакатларимиз ва халқларимиз манфаати учун ишлаймиз”.
 
Бундан ташқари томонлар ўзаро дипломатик муносабатларни янада мустаҳкамлашга эътибор беришларини таъкидлаб ўтишди.
 
Асосий тадбирдан сўнг Шимолий Корея етакчиси Хитой Фанлар Академиясининг инновацион ютуқлари намойиш этилган кўргазмада иштирок этди.


 
Мазкур учрашувда Ким Чен Ин АҚШ президенти Дональд Трамп билан учрашишга тайёр эканини яна бир марта тасдиқлаган.