Шимон Переснинг тобути Иерусалимдаги парламент биносига келтирилди.
Аввалроқ, Исроилнинг собиқ президенти Шимон Перес 93 ёшида оғир хасталик сабаб оламдан ўтгани ҳақида хабар берган эдик.
Бугун, 29 сентябрь куни Исроил Парламенти майдонига сиёсатчини сўнгги йўлга кузатиш учун кун давомида минглаб исроилликлар йиғилди. Бу ҳақда РИА Новости хабар бермоқда.
Давлатнинг тўққизинчи раҳбари икки ҳафта аввал, мияга қон қуйилиши туфайли шифохонага олиб кетилган эди. Бу касалликдан кейин соғлиги қайта тикланмаган Перес 93 ёшга тўлиш арафасида вафот этди.
Миллий байроқ билан ўралган тобут полиция машинаси ва мотоцикллар йўлбошчилигидаги кичик автобусда келтирилди. Кнессет майдонида байроқлар туширилган, Парламент қўриқчилари мотам либосида турибди. Тобут Перес шарафига ҳозирланган қора супага олиб келиб қўйилди. Исроил Президенти Реувен Ривлин, Бош вазир Биньямин Нетаньяху, Парламент спикери Юлий Эдельштейн, мухолифат раҳбари Ицхак Герцог дастлабки гулчамбарни қўйди.
Кейинги 12 соат ичида хоҳловчилар Перес билан видолашиши мумкин. Ташкилотчилар Кнессетга олиб борувчи йўлларни шахсий автотранспортлар учун ёпиб қўйди.
Марҳумни дафн этиш маросими жума куни Герцля тоғидаги миллий қабристонда ўнлаб хорижий делегациялар иштирокида амалга оширилади. Ушбу жараёнда Федерация Кенгаши спикери Валентина Матвиенко Россия вакили сифатида қатнашади.
Шунингдек, Исроилга АҚШ Президенти Барак Обама, Франция раҳбари Франсуа Олланд, Германия президенти Йоахим Гаук, Польша раҳбари Анжей Дуду, Уэльс шаҳзодаси Чарльз, АҚШнинг собиқ Президенти Билл Клинтон ва бошқа кўплаб меҳмонлар ташриф буюриши кутилмоқда.
Пересни Исроилни барпо қилган оталарнинг энг охиргиси, деб аташмоқда.
Сиёсатчи ўнлаб вазирликларда ишлади, 2007–2014 йиллар давомида икки марта президентликка сайланди.
Фаластин билан тинчлик шартномасини имзолашга эришгани учун 1994 йилда Перес ва ўша вақтда мамлакат Бош вазири бўлган Ицхак Рабин ва Фаластин раҳбари Ёсир Арофат Нобель мукофоти билан тақдирланган.
Бугун, 29 сентябрь куни Исроил Парламенти майдонига сиёсатчини сўнгги йўлга кузатиш учун кун давомида минглаб исроилликлар йиғилди. Бу ҳақда РИА Новости хабар бермоқда.
Давлатнинг тўққизинчи раҳбари икки ҳафта аввал, мияга қон қуйилиши туфайли шифохонага олиб кетилган эди. Бу касалликдан кейин соғлиги қайта тикланмаган Перес 93 ёшга тўлиш арафасида вафот этди.
Миллий байроқ билан ўралган тобут полиция машинаси ва мотоцикллар йўлбошчилигидаги кичик автобусда келтирилди. Кнессет майдонида байроқлар туширилган, Парламент қўриқчилари мотам либосида турибди. Тобут Перес шарафига ҳозирланган қора супага олиб келиб қўйилди. Исроил Президенти Реувен Ривлин, Бош вазир Биньямин Нетаньяху, Парламент спикери Юлий Эдельштейн, мухолифат раҳбари Ицхак Герцог дастлабки гулчамбарни қўйди.
Кейинги 12 соат ичида хоҳловчилар Перес билан видолашиши мумкин. Ташкилотчилар Кнессетга олиб борувчи йўлларни шахсий автотранспортлар учун ёпиб қўйди.
Марҳумни дафн этиш маросими жума куни Герцля тоғидаги миллий қабристонда ўнлаб хорижий делегациялар иштирокида амалга оширилади. Ушбу жараёнда Федерация Кенгаши спикери Валентина Матвиенко Россия вакили сифатида қатнашади.
Шунингдек, Исроилга АҚШ Президенти Барак Обама, Франция раҳбари Франсуа Олланд, Германия президенти Йоахим Гаук, Польша раҳбари Анжей Дуду, Уэльс шаҳзодаси Чарльз, АҚШнинг собиқ Президенти Билл Клинтон ва бошқа кўплаб меҳмонлар ташриф буюриши кутилмоқда.
Пересни Исроилни барпо қилган оталарнинг энг охиргиси, деб аташмоқда.
Сиёсатчи ўнлаб вазирликларда ишлади, 2007–2014 йиллар давомида икки марта президентликка сайланди.
Фаластин билан тинчлик шартномасини имзолашга эришгани учун 1994 йилда Перес ва ўша вақтда мамлакат Бош вазири бўлган Ицхак Рабин ва Фаластин раҳбари Ёсир Арофат Нобель мукофоти билан тақдирланган.
Мухторбек Абдуллаев
