Бир қатор вилоятларнинг ИИБ раҳбариятида ўзгариш бўлди

Хоразм ва Бухоро вилоятлари Ички ишлар бошқармаларига янги раҳбарлар тайинланди. Бу ҳақда "Постда" газетасида хабар берилди.
 
Хоразм вилоят ИИБ бошлиғи лавозимига полковник Шавкат Раҳмонов, Бухоро вилоят ИИБга подполковник Шуҳрат Алиев тайинланди.
 
Бундан ташқари, икки вилоятда ИИБ бошлиғи ўринбосари — йўл ҳаракати хавфсизлиги бошқармаси бошлиқлари ҳам ўзгарди. Андижон вилоятида мазкур лавозимга подполковник Сирожиддин Назирхонов, Наманган вилоятида эса подполковник Омонжон Тожибоев тайинланди.
 
Тошкент вилояти ИИБда бошлиқнинг биринчи ўринбосари — Жиноят қидирув ва терроризмга қарши кураш бошқармаси бошлиғи лавозимига подполковник Саидкарим Алимов тайинланди.