Ўқувчини ҳақорат қилган ўқитувчилар Роҳатой Нурматова ҳамда Нилуфар Шариповаларга ҳайфсан эълон қилинган.
Аввалроқ, Тошкент шаҳар Олмазор туманидаги 326-ихтисослаштирилган мактаб ўқитувчилари ўқувчини ҳақоратлагани, ўғрига чиқаргани ҳақида
мақола эълон қилган эдик. Сайтимизда берилган ушбу мақолага нисбатан мактаб маъмурияти тезкор муносабат билдирган ҳолда йиғилиш ўтказди ва ўқитувчиларга зарур чоралар кўрилди. Бу ҳақда шикоятчи Барно Мирзааҳмедова сайтимизга маълум қилди.
Хабар қилишларича, 26 январь куни 326-ихтисослаштирилган мактаб директори Наргиза Фахриддинова томонидан тезкор йиғилиш ўтказилган. Унда ўқувчини ҳақорат қилган ўқитувчилар Роҳатой Нурматова ҳамда Нилуфар Шариповаларга ҳайфсан эълон қилинган.