Замонавий ишбилармонлик маркази лойиҳаси Россиянинг Қозон шаҳри тажрибаси асосида ишлаб чиқилган.
Бугун, 26 октябрь куни Президент Шавкат Мирзиёев Юнусобод туманида қуриладиган замонавий ишбилармонлик маркази лойиҳаси билан танишди.
Давлат раҳбарининг жорий йил 2 августдаги “Республика ҳудудларида “Business city” замонавий ишбилармонлик марказларини ташкил этиш чора-тадбирлари тўғрисида”ги қарорига мувофиқ таклиф этилаётган ушбу мажмуа Юнусобод туманининг 2-Отчопар маҳалласидаги 45,5 гектар майдонда қурилиши режалаштирилган. Унда савдо марказлари, бизнес офислар, кўнгилочар масканлар, сайлгоҳлар, турар жойлар ва бошқа объектлар бўлиши мўлжалланган.
Дастлабки ҳисоб-китобларга кўра, лойиҳанинг қиймати 500 миллион доллар бўлиб, 2019-2023 йилларда амалга оширилиши кўзда тутилган.
Президент янги ишбилармонлик маркази қурилишида рельефдан оқилона фойдаланиш, дунё шаҳарлари тажрибасини ўрганиш зарурлигини қайд этган. Уни барпо этишга хорижий инвесторлар, тажрибали лойиҳачи ва қурувчиларни жалб этиш бўйича топшириқлар берди.
Шу ерда Юнусобод туманидаги кўп қаватли уйларни бошқариш бўйича таклифлар тақдимоти ўтказилган. Бу таклифлар Россиянинг Қозон шаҳри тажрибаси асосида ишлаб чиқилган. У профессионал сервис компаниялари ташкил этиш орқали кўп қаватли уйларга хизмат кўрсатишни яхшилаш, моддий-техник базани мустаҳкамлаш, иқтисодий барқарорликни таъминлашга қаратилган.
Президент туманда ушбу тизимни жорий мавсумдаёқ татбиқ этиш, ҳар бир кўп қаватли уйнинг эгасини топиб, уларга имтиёзлар бериш зарурлигини таъкидлаган.
“Инновацион, илмий ва ташкилий ишларни бирлаштириб, баравар олиб бормасак, бу соҳа эскича ҳолда қолаверади. Коммунал хизматлар хусусий корхоналар томонидан амалга оширилмаса, сифат бўлмайди. Сифат бўлмагандан кейин тўлов ҳам барқарор бўлмайди. Бу соҳада хизматни, ҳисоб-китобни жойига қўйсак, вазият ўзгаради, одамлар рози бўлади”, деган давлат раҳбари.
Давлат раҳбарининг жорий йил 2 августдаги “Республика ҳудудларида “Business city” замонавий ишбилармонлик марказларини ташкил этиш чора-тадбирлари тўғрисида”ги қарорига мувофиқ таклиф этилаётган ушбу мажмуа Юнусобод туманининг 2-Отчопар маҳалласидаги 45,5 гектар майдонда қурилиши режалаштирилган. Унда савдо марказлари, бизнес офислар, кўнгилочар масканлар, сайлгоҳлар, турар жойлар ва бошқа объектлар бўлиши мўлжалланган.
Дастлабки ҳисоб-китобларга кўра, лойиҳанинг қиймати 500 миллион доллар бўлиб, 2019-2023 йилларда амалга оширилиши кўзда тутилган.
Президент янги ишбилармонлик маркази қурилишида рельефдан оқилона фойдаланиш, дунё шаҳарлари тажрибасини ўрганиш зарурлигини қайд этган. Уни барпо этишга хорижий инвесторлар, тажрибали лойиҳачи ва қурувчиларни жалб этиш бўйича топшириқлар берди.
Шу ерда Юнусобод туманидаги кўп қаватли уйларни бошқариш бўйича таклифлар тақдимоти ўтказилган. Бу таклифлар Россиянинг Қозон шаҳри тажрибаси асосида ишлаб чиқилган. У профессионал сервис компаниялари ташкил этиш орқали кўп қаватли уйларга хизмат кўрсатишни яхшилаш, моддий-техник базани мустаҳкамлаш, иқтисодий барқарорликни таъминлашга қаратилган.
Президент туманда ушбу тизимни жорий мавсумдаёқ татбиқ этиш, ҳар бир кўп қаватли уйнинг эгасини топиб, уларга имтиёзлар бериш зарурлигини таъкидлаган.
“Инновацион, илмий ва ташкилий ишларни бирлаштириб, баравар олиб бормасак, бу соҳа эскича ҳолда қолаверади. Коммунал хизматлар хусусий корхоналар томонидан амалга оширилмаса, сифат бўлмайди. Сифат бўлмагандан кейин тўлов ҳам барқарор бўлмайди. Бу соҳада хизматни, ҳисоб-китобни жойига қўйсак, вазият ўзгаради, одамлар рози бўлади”, деган давлат раҳбари.
Суннатилла Абдуллаев
