Туркия Президенти Шавкат Мирзиёевга энг самимий тилакларини билдирган.
Бугун, 29 август куни Туркия Республикаси Президенти Ражаб Тойиб Эрдўған Ўзбекистон халқи ва Республика Президенти Шавкат Мирзиёевга давлат Мустақиллигининг 27 йиллиги муносабати билан табрик йўллади.
“Ўзбекистоннинг Миллий куни муносабати билан Сиз Жаноби Олийларини ва бутун ўзбек халқини шахсан ўз номимдан ва халқим номидан чин қалбимдан муборакбод этаман.
Қардошимиз ва дўстимиз деб билганимиз Ўзбекистоннинг Сиз, азиз қардошимнинг оқилона ва узоқни кўзловчи раҳбарлигида эришаётган ютуқларини бутун дунё каби биз ҳам юқори баҳолаган ҳолда кузатяпмиз. Ўзбекистоннинг янада гуллаб-яшнаши йўлида ғайрат ва фидокорлик билан қилаётган саъй-ҳаракатларингизни бугунгача бўлгани каби келгусида ҳам қўллаб-қувватлашда давом этамиз.
Мамлакатларимиз ўртасидаги мустаҳкам ҳамкорлик ва стратегик шериклик биргаликдаги саъй-ҳаракатимиз билан халқларимизнинг манфаати йўлида янада кучайишига ишончим комил. Сизнинг оқилона раҳнамолигингизда дўст ва қардош Ўзбекистоннинг шундай иродага эга эканининг шоҳиди бўлаётганимдан мамнунман.
Фурсатдан фойдаланиб, Ўзбекистон билан муносабатларимиз келгусида янада ривожланишига ишончимни тасдиқлаган ҳолда, Сиз Жаноби Олийларига сиҳат-саломатлик, бахт-саодат, қардош ўзбек халқига омонлик ва фаровонлик тилаб қоламан”, дейилади Туркия раҳбарининг табригида.
Эслатиб ўтамиз, ҳозиргача АҚШ ва Хитой давлат раҳбарлари ўзбекистон халқи ва Президент Шавкат Мирзиёевни табриклаган.
“Ўзбекистоннинг Миллий куни муносабати билан Сиз Жаноби Олийларини ва бутун ўзбек халқини шахсан ўз номимдан ва халқим номидан чин қалбимдан муборакбод этаман.
Қардошимиз ва дўстимиз деб билганимиз Ўзбекистоннинг Сиз, азиз қардошимнинг оқилона ва узоқни кўзловчи раҳбарлигида эришаётган ютуқларини бутун дунё каби биз ҳам юқори баҳолаган ҳолда кузатяпмиз. Ўзбекистоннинг янада гуллаб-яшнаши йўлида ғайрат ва фидокорлик билан қилаётган саъй-ҳаракатларингизни бугунгача бўлгани каби келгусида ҳам қўллаб-қувватлашда давом этамиз.
Мамлакатларимиз ўртасидаги мустаҳкам ҳамкорлик ва стратегик шериклик биргаликдаги саъй-ҳаракатимиз билан халқларимизнинг манфаати йўлида янада кучайишига ишончим комил. Сизнинг оқилона раҳнамолигингизда дўст ва қардош Ўзбекистоннинг шундай иродага эга эканининг шоҳиди бўлаётганимдан мамнунман.
Фурсатдан фойдаланиб, Ўзбекистон билан муносабатларимиз келгусида янада ривожланишига ишончимни тасдиқлаган ҳолда, Сиз Жаноби Олийларига сиҳат-саломатлик, бахт-саодат, қардош ўзбек халқига омонлик ва фаровонлик тилаб қоламан”, дейилади Туркия раҳбарининг табригида.
Эслатиб ўтамиз, ҳозиргача АҚШ ва Хитой давлат раҳбарлари ўзбекистон халқи ва Президент Шавкат Мирзиёевни табриклаган.
Суннатилла Абдуллаев
