“Ливерпуль” ютқазди, “Монако” ўз уйида шарманда бўлди

Европа чемпионлар лигасининг 4-туридан ўрин олган “Црвена Звезда” – “Ливерпуль”, “Монако” – “Брюгге” учрашувлари бўлиб ўтди.
 
“Райко Митич” стадионида кечган ўйинда “Ливерпуль” “Црвена Звезда”дан мағлубиятни қабул қилиб олди. Учрашувнинг 22-дақиқасида Павков ҳисобни очган бўлса, 29-дақиқага келиб яна ўша Павков ўз ҳисобига дубльни расмийлаштириб, ўйин тақдирини ҳал қилди.
 
“Монако” эса ўз уйида “Брюгге”дан 4 та гол ўтказиб юборди. Бельгия  клуби Тьери Анри қўл остидаги жамоани аяб ўтирмади ва ҳисобни 12-дақиқаданоқ очди, бундан 5 дақиқа ўтиб, ҳакам “Монако” дарвозаси томон пенальти белгилади.


 
Ванакен иккинчи тўпни киритиб, голлар шоусини бошлаб берди. Ўйиннинг 24-дақиқасига келиб ҳисоб 0:3 кўринишига келиб бўлди. Биринчи бўлим шундай якунланди ва ўйин сўнггида Вормер ўйинга нуқта қўйди.
 
Црвена Звезда – Ливерпуль 2:0
Голлар: Павков (22), (29).
Црвена Звезда: Борян, Савич, Родич, Стойкович (Гобелич, 59), Дегенек, Срнич, Йованчич, Крстичич (Йовичич, 73), Марин (Чаушич, 64), Бен-Набуан, Павков.
Ливерпуль: Алиссон, Матип, Робертсон, Александер-Арнолд (Гомес, 46), ван Дейк, Милнер, Вейналдум, Лаллана (Ориги, 79), Мане, Салох, Старриж (Фирмино, 46).
Огоҳлантиришлар: Марин (5), Лаллана (36).
 
Монако – Брюгге 0:4
Голлар: 0:1 – 12 Ванакен, 0:2 – 17, пенальти Ванакен, 0:3 – 24 Уэсли, 0:4 – 85 Вормер.
Монако: Бенальо, Сидибе, Баррека, Глик (Туре, 76), Жемерсон, Тилеманс, Аит-Беннассер (Массанго, 68), Силла, Шадли, Диоп, Фалькао (Гуано, 61).
Брюгге: Хорват, Пулен, Денсвил, Мехеле, Мата (Влитинк, 77), Накамба, Ритс, Ванакен, Вормер, Диатта (Колс, 6), Уэсли (Резаеи, 72).
Огоҳлантириш: Баррека (15).