Сиёсатчилар эфир давомида ўзаро “сўз ўйини” ўтказиб, дастур тугагач, муштларини ишга солишди.
“112 Украина” телеканалида “Вечерний прайм” дастурини суратга олиш ишлари якунланиши билан эфир иштирокчилари – Юқори Рада депутати Владимир Парасюк ва “Оппозицион блок”дан Александр Вилкул муштлашиб кетишди.
Телеканал сайтида хабар беришларича, дастур давомида ҳар иккала иштирокчи орасида ўзаро “сўз ўйини” кечган. Эфир якунига етгач, Владимир Парасюк оппоненти қаршисига келиб, унга мушт туширган. Бу йирик муштлашувга айланиб кетган. Қўриқлаш хизмати вакиллари депутатларни ажратишга муваффақ бўлишган.
Кейинроқ, Парасюк яна Александр Вилкулнинг ҳайдовчиси билан айтишиб, машина эшигини синдиришга уринган ва капотни тирнаган.
Бу шов-шувли воқеа қайд этилган видеролик интернетга жойлаштирилган ва қуйида уни сизнинг ҳам эътиборингизга ҳавола этамиз.
Телеканал сайтида хабар беришларича, дастур давомида ҳар иккала иштирокчи орасида ўзаро “сўз ўйини” кечган. Эфир якунига етгач, Владимир Парасюк оппоненти қаршисига келиб, унга мушт туширган. Бу йирик муштлашувга айланиб кетган. Қўриқлаш хизмати вакиллари депутатларни ажратишга муваффақ бўлишган.
Кейинроқ, Парасюк яна Александр Вилкулнинг ҳайдовчиси билан айтишиб, машина эшигини синдиришга уринган ва капотни тирнаган.
Бу шов-шувли воқеа қайд этилган видеролик интернетга жойлаштирилган ва қуйида уни сизнинг ҳам эътиборингизга ҳавола этамиз.
Айтиш керакки, Владимир Парасюк 15 июнь куни ҳам Рада йиғилиши давомида Дмитрий Колесников билан муштлашганди. Жанжал Колесниковнинг рус тилида мэрни қайта сайлаш таклифини кун тартибига киритишни талаб қилганидан сўнг юзага келган. Ўшанда Парасюк Колесниковнинг чиқишини куч билан бўлмоқчи бўлганди. Натижада уни “Оппозицион блок” вакиллари қуршаб олиб калтаклашган. Бу йиғилиш давомида Нидерландия делегацияси ҳам иштирок этганди.
Дурдона Расулова
