Шавкат Мирзиёев Португалия Республикаси Президенти Марселу Ребелу де Соузага ҳамдардлик мактуби йўллади.
ТИВ Ахборот хизматининг хабар беришича, Шавкат Мирзиёев Португалияда иссиқ ҳарорат туфайли юзага келган йирик ёнғин оқибатида ҳалок бўлганлар ва жабрланганларнинг оила аъзолари ҳамда яқинларига, португал халқига таъзия билдирган.
Эслатиб ўтамиз, 18 июнга ўтар кечаси Португалиянинг Педроган-Гранди вилоятида жойлашган катта ўрмонда ёнғин содир бўлиб, мамлакатнинг марказий қисми олов ичида қолган эди. Ҳозиргача олинган маълумотларга кўра, қурбонлар сони 69 нафарга етган.