...
МЕНЮ
ONLINE TV

Конституция байрамида финал қўшиғини куйлаш бахтини Гулсанам, Озодбек, Юлдуздан Севара илиб кетди


19:13, 07.12.2016 Шоу-бизнес
 14 883

Санъат бешафқат, мухлис ҳам. Ўзбекистон Республикаси Конституциясининг 24 йиллиги муносабати билан ўтказилган маросимда финал қўшиғини ким куйлаши ҳақида баҳс-мунозаралар яқин-яқингача тинмаётган эди.

Аввалроқ, Ўзбекистон халқ артисти Юлдуз Усмонова катта саҳналарга қайтгани, Ўзбекистон Республикаси Конституцияси қабул қилинганлигининг 24 йиллиги муносабати билан ўтказилган тантанали маросимда қўшиқ куйлаши ҳақида хабар берган эдик.
 
Мазкур хабардан сўнг кўплаб мухлислар орасида қарама-қарши фикрлар пайдо бўлди. Усмонова катта саҳналарни тарк этгунига қадар байрам тадбирларининг финал қўшиғини куйлаб чиққан. Халқ унинг иштирокини, куйлайдиган қўшиғини интизорлик билан кутарди, кийган либосидан тортиб, лаб бўёғигача муҳокамаларга сабаб бўларди.
 
Юлдуз Усмоновадан сўнг бу ўринни Ўзбекистон халқ артистлари Озодбек Назарбеков ва Гулсанам Мамазоитова эгаллаган эди. Бир гал бу бахт Назарбековга насиб этса, бошқа сафар Мамазоитова дўндирарди.
 
Санъат бешафқат, мухлис ҳам. Ўзбекистон Республикаси Конституциясининг 24 йиллиги муносабати билан ўтказилган маросимда финал қўшиғини ким куйлаши ҳақида баҳс-мунозаралар яқин-яқингача тинмаётган эди. Аммо бу бахт на Мамазоитовага, на Назарбековга ва на қайтиши шов-шувларга сабаб бўлган Усмоновага насиб этди.
 
Ўзбекистон Республикаси Конституцияси қабул қилинганлигининг 24 йиллиги байрам тантаналарининг финал қўшиғини куйлаш Ўзбекистон хизмат кўрсатган артист Севара Назархонга насиб этди. Югурганники эмас, буюрганники, деб шуни айтишса керак.
 
Дарвоқе, Ўзбекистон халқ артисти Юлдуз Усмонова 2006 йил апрель ойида “Водий садоси” радиосида радиобошловчи Феруза Абдураҳмонова билан суҳбатда Севара Назархоннинг овози ва қўшиқларини кескин танқид қилиб, уни халқ қўшиқларини ўғринча куйлаб чиқишди, муаллифлик ҳуқуқини бузишда айблаган эди. 
 

Теглар:Юлдуз Усмонова Озодбек Назарбеков Гулсанам Мамзоитова Севара Назархон 

Дўстларингиз билан бўлишинг:



Ўхшаш мақолалар


Изоҳлар




Изоҳлар

Azamat Akbarov
09:06 08.12.2016

Sevaranin ovozida albatta sehr bor, mayinlik bor. Men uning bosiqligini va o'ziga xosligini hurmat qilaman. Kechagi tadbirda esa Yulduz Usmonova final uchun kurashganicha yo'q. Yulduz Usmonovaning bayramda qatnashganining o'zi bayramning qaynoq nuqtasi bo'ldi. Chunki zal sehrlangan edi!



Биринчи бўлиб ўз фикрингизни қолдиринг!