Галина Саидова Президент давлат маслаҳатчиси ўринбосари лавозимига тайинланди

Аввалроқ, Ўзбекистон Республикаси Иқтисодиёт вазири Галина Каримовна Саидова истеъфога чиққанлиги ҳақида маълумот берган эдик.
 
Хабарингиз бор, Галина Каримовнанинг ўрнига Иқтисодиёт вазири лавозимини собиқ Молия вазири Ботир Хўжаев эгаллади.
 
Иқтисодиёт вазирлиги Ахборот хизматининг раҳбари Шаҳриёр Мансуровнинг хабар беришича, Иқтисод фанлари доктори Саидова Галина Каримовна энди Ўзбекистон Республикаси Президентининг Ижтимоий-иқтисодий сиёсатни мувофиқлаштириш бўйича Давлат маслаҳатчисининг ўринбосари лавозимида ўз фаолиятини давом эттиради.