Бахтли бўлиш ва уни асраб қолиш ҳар бир инсоннинг ўзига боғлиқ.
Инсонлар доим бахтни узоқдан излайди. Унга эришиш анча мушкул деб ҳисоблашади. Лекин бахт биз кутгандан-да яқин. Уни асраб қолиш ҳар бир инсоннинг ўзига боғлиқ.
Дунёнинг энг бахтли инсонлари бахтга эришишнинг қуйидаги сирларини оммага эълон қилишган:
Дунёнинг энг бахтли инсонлари бахтга эришишнинг қуйидаги сирларини оммага эълон қилишган:
- Ён-атрофдагиларнинг гапларига эътибор бермай, ўз истаганингиздек яшанг. Одамларнинг гапларини тингланг. Аммо таъсир доирасини ўз меъёрида қолдиринг;
- Ортиқча ғазабланманг. Бу сизни бегоналар олдида уятда қолишингизга сабаб бўлади;
- Ўзингизни энг гўзал инсонлардан бири деб ҳисоблашда давом этинг. Гарчи бу худбинликдек кўринса-да ўзингиз орқали ҳаётни севишга эришасиз;
- Оптимист инсонлар билан ҳамкор бўлинг. Уларнинг қарашлари сизни ижобий томонга йўналтиради;
- Майда камчиликлар билан ўралашиб қолишдан кўра, катта мақсадлар сари ҳаракат қилинг. Беҳудага асабийлашманг;
- Бахтли бўлишни кутманг. Ҳаётингиздаги ҳар бир нарсани бахтнинг бир бўлаги деб қабул қилинг;
- Ҳеч қачон йўқотганларингиз ҳақида эмас, унинг сабоқлари ва келгусида келтириши мумкин бўлган фойдалари ҳақида ўйланг;
- Ҳар бир ишни ўз вақтида бажаришга ўрганинг. Бир дақиқангизни ҳам бесамар ўтиб кетишига йўл қўйманг;
- Ҳасад қилишдан йироқ бўлинг. Сиздан-да оғир шароитларда яшаётганлар борлигини унутманг;
- Ҳаётингизни фақат яхши хотиралар билан тўлдиринг. Ёмонларини миянгиздан ўчириб ташланг.
Юқоридаги 10 тавсияни ўзингизда синаб кўришдан уялманг. Мана кўрасиз, яқин фурсатларда ҳаётингиз ёрқин тарафга ўзгарганига гувоҳ бўласиз!
Манзура Сайфиддинова
