...
МЕНЮ
ONLINE TV

Абдулла Арипов Жисмоний тарбия ва спортни ривожлантириш жамғармасига раислик қилади


18:17, 16.01.2019 Жамият
 4 707

Бош вазир яна бир жамғармаган раислик қиладиган бўлди.

Ўзбекистон Республикаси Вазирлар Маҳкамасининг қарори билан “Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси фаолиятини ташкил этиш тўғрисида”ги қарорга ўзгартириш ва қўшимчалар киритилди.
 
Қарорга мувофиқ, эндиликда Жисмоний тарбия ва спортни ривожлантириш жамғармаси Кузатув кенгашига Ўзбекистон Республикаси Бош вазири раислик қилади. Бу ҳақда Жисмоний тарбия ва спорт вазирлиги Матбуот хизмати хабар қилди.
 
Ўз навбатида, Қорақалпоғистон Республикаси Вазирлар Кенгашининг Раиси ҳамда вилоятлар ва Тошкент шаҳар ҳокимлари ҳудудий Жамоат кенгашлари раислари этиб белгиланиб, уларнинг спорт иншоотларида қурилиш-монтаж ишларининг бориши ва уларнинг ўз вақтида фойдаланишга топширилиши бўйича шахсий жавобгарликлари оширилди.
 
Шу билан бирга, жамғарма маблағлари ҳисобидан спорт объектларини қуришда ривожланган хорижий давлатлар тажрибасини ўрганиш ва республика ҳудудларида қуриладиган объектлар лойиҳаларига татбиқ этиш мақсадида жамғарма ҳамда қурилиш ва лойиҳа ташкилотларининг малакали мутахассислари хорижий давлатларга юборилади, шунингдек тажриба алмашиш учун хориждан мутахассислар жалб этилади.
 
Маълумот учун, жамғарма маблағлари хайрия ташкилотлари, хусусий тадбиркорлар, жисмоний ва юридик шахслар, шу жумладан Ўзбекистон Республикаси норезидентлари томонидан ўтказиладиган ҳомийлик ўтказмалари, Давлат бюджети маблағлари, шунингдек қонун ҳужжатларида тақиқланмаган бошқа тушумлар ҳисобидан шакллантирилади.
Суннатилла Абдуллаев

Теглар:Абдулла Арипов Президент қарори 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар