5 та коммунал соҳа корхоналарининг устав капиталидаги давлат улушлари Тошкент шаҳар ҳокимлигига ўтказилди

Ўзбекистон Республикаси Вазирлар Маҳкамасининг “Тошкент шаҳридаги коммунал соҳа корхоналарининг активларидан самарали фойдаланишга доир қўшимча чора-тадбирлар тўғрисида”ги қарори қабул қилинди. Бу ҳақда Адлия вазирлигининг “Ҳуқуқий ахборот” каналида хабар берилди.
 
Қарорга мувофиқ, “Sergeli tumani kommunal ta’mirlash-avariyani tiklash xizmati” МЧЖ, “Bektemir tumani kommunal ta’mirlash-avariyani tiklash xizmati” МЧЖ, “Mirzo-Ulug‘bek tumani kommunal ta’mirlash-avariyani tiklash xizmati” МЧЖ, “Chilonzor tumani kommunal ta’mirlash-avariyani tiklash xizmati” МЧЖ  ва “Yashnobod tumani kommunal ta’mirlash-avariyani tiklash xizmati” МЧЖлар устав капиталидаги давлат улушлари Тошкент шаҳар ҳокимлигига ўтказилди.