...
МЕНЮ
ONLINE TV

“Ўзавтойўл” Қарши-Бухоро трассасидаги кўприкнинг қулаши сабабларига ойдинлик киритди


12:03, 18.07.2016 Жамият
 6 742

“Ўзавтойўл” Аму-Бухоро канали устидан ўтган кўприкнинг қулаши билан боғлиқ расмий маълумотлар ва воқеа сабаблари билан боғлиқ тахминларни ошкор этди.

 
16 июль, шанба куни Қарши-Бухоро трассасидаги кўприкнинг бир қисми қулаб тушди. Бу ҳақда Facebook’даги “Водители Ташкента” гуруҳи аъзолари хабар берди.
 
Ушбу кўприк Аму-Бухоро канали устидан ўтган бўлиб, Қоровулбозор-Бухоро йўналишида жойлашган. Ҳодиса A380 “Ғузор-Бухоро-Нукус-Бейнов” автойўлининг 185-километридаги кўприкда рўй бергани айтилмоқда.
 
 
Маълум бўлишича, кўприкнинг беш тирагичи оралиқларидан бири тушиб кетган. Тахминларга қараганда, юк машинаси белгиланган миқдордан оғир вазндаги юкни ортиб ҳаракаланиб келаётган бўлган ва кўприкдаги тўсиқларга урилиши натижасида пастга қулаган. Бунинг оқибатида эса кўприкнинг ярми ўпирилиб тушган бўлиши мумкин. “Ўзавтойўл” айни дамда ҳодиса билан боғлиқ ҳар бир ҳолат ўрганилаётгани, ҳуқуқ-тартибот органлари ҳам мазкур воқеа юзасидан суриштирув ишларини бошлаганини маълум қилди.
 
16 июль куниёқ кўприкда енгил автомобиллар ҳаракатланиши учун шароит яратилди. Кўприкнинг қулаган қисмида эса реконструкция ишлари олиб борилмоқда.
 
Маълумот учун, Аму-Бухоро канали устидан ўтган ушбу кўприк  1965 йилда қурилган. Шу бугунгача кўприкнинг ўпирилиши билан боғлиқ бундай ҳолат кузатилмаган.

Теглар:Аму-Бухоро канали Ўзавтойўл Қарши-Бухоро трассаси Кўприк 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар